Прыедуць Алесь Камоцкі і Зміцер Бартосік. Дзедзіч запрашае на канцэрт не толькі ўдзельнікаў летніка, але і ўсіх берасцейцаў!
24-га ліпеня ў Залессі адбудзецца канцэрт Алеся Камоцкага, а на закрыцці 28 ліпеня выступіць бард Зміцер Бартосік.
Алесь Камоцкі – беларускі паэт, выканаўца ўласных песен.
Алесь Камоцкі
Бібліяграфія: „Спроба ісці па расе” (1997), „Наспадзяванае” (2004), „48” (2007), „Глыбіня дажджу” (2007), супольныя праекты — „Край” (2005, фотаальбом, фота Вадзіма Грудзько).
Дыскаграфія: альбомы — „Першы сшытак” (1986), „Зорка спагады” (1999, на вершы Рыгора Барадуліна), „Псальмы” (2000, на вершы Рыгора Барадуліна), „Асяніна” (2001, на філасофскія вершы Ганада Чарказяна ў перакладзе Р. Барадуліна), „Дым” (2002), „Дом” (2003), „Дах” (2006), „З бацькоўскай кружэлкі” (2008), супольныя праекты — „Як усё ў жыцці” (1998, на творы Уладзіміра Жылкі), „Віно дажджоў” (2002, на творы Уладзіміра Караткевіча), „Паравіны году” (2003, песні ў выкананні Змітра Вайцюшкевіча), „Бывайце здаровы! Bella Ciao” (2004, італьянскія песні па-беларуску, беларускія — па-італьянску), „Месяц і сонца” (2004, японскія песні па-беларуску), „Тое, што трэба” (2008, песні ў выкананні Змітра Вайцюшкевіча).
Праслухаць песні можна тут.
Зміцер Бартосік
Зміцер Бартосік – беларускі бард, пісьменнік. За апошнія 6 гадоў ён не прапусціў ніводнага летніка “Дзедзіча”. А мы проста вельмі любім ягоную творчасць, энэргетыку і незгасальны жыццёвы аптымізм.
Праслухаць песні можна тут.
