7 снежня ў Менску адбыўся святочны канцэрт кампаніі “Будзьма беларусамі!”, прысвечаны гадавіне культурніцкага праекта. Мерапрыемства было багатае на цёплыя словы і выступы вядомых беларускіх дзеячаў.
На мерапрыемстве прысутнічалі шматлікія партнёры і ініцыятары кампаніі, сярод якіх значыцца і інфармацыйна-аналітычны бюлетэнь “Дзедзіч”, яго на імпрэзе прадстаўляў Павел Белавус.
Гурты “Unia”, “IQ – 48”, “Крамбамбуля”, літаратары і барды Алесь Камоцкі, Лявон Вольскі, Зміцер Вайцюшкевіч і пісьменніца Анка Упала не толькі павіншавалі “Будзьма”, але і прэзентавалі ўсім прысутным сваю па-сапраўднаму беларускую творчасць.
Рыгор Барадулін, ці, як яго назвалі вядучыя, дзядуля “Будзьмы” прысвяціў з нагоды гадавіны кампаніі свой верш, сімвалічна пачаўшы яго словамі: “Будзьма не шарахацца ў кусты…”
У антракце гасцей частавалі гарбатай і піражкамі з грыбамі ды капустай, а калектыў “Церніца” сваімі вясёлымі народнымі песнямі запрашаў танчыць. Не ўтрымалі і народныя пісьменнікі Беларусі Рыгор Барадулін і Генадзь Бураўкін.
“Дзедзіч” таксама віншуе культурніцкую кампанію “Будзьма” з гадавінаю і жадае стаць гэтай ініцыятыве сапраўды народнай і маштабнай.
Будзьма Беларусамі!
Павел Феранец, ці Ferenc, – ідэальны суразмоўца. Дамаўляемся пра сустрэчу – адразу падбіраем зручны для…
Гэты новы дом у цэнтральнай часцы горада на вуліцы Гогаля здаваўся ідэальным, калі тут набывалі…
Ідэальны адпачынак – гэта час, праведзены сярод тых, хто з табой на адной хвалі. У…
Чалавек сам стварае сваё наваколле. Да такой высновы аднойчы прыйшлі жыхары сціплага пяціпавярховага дома ў…
Існуе меркаванне, што Берасце – нецікавы горад, у якім няма куды схадзіць, але насамрэч гэта…
Для кожнага з нас словы “макіяж”, “фрызура”, “фотаздымкі” значаць нешта сваё. Для некага гэта частка…
