Маладыя людзі запрашаюцца да ўдзелу ў міжнародным конкурсе эсэ, арганізаваным ЮНЭСКО і фондам міру ім. Гоя. Апошні тэрмін падачы – 30 чэрвеня 2010 г.
Тэма: “Мая роля ў стварэнні мірнага свету”. Якое вашае бачанне мірнага і гарманічнага свету? Што вы ды іншыя маладыя людзі робіце, каб рэалізаваць гэтае бачанне?
Эсэ на конкурс можа падаць любы чалавек у ўзросце да 25 гадоў у адной з наступных катэгорыяў:
а) дзеці (да 14 гадоў)
б) моладзь (15–25 гадоў)
Аб’ём эсэ не мусіць перавышаць 800 словаў на ангельскай, францускай, гішпанскай або нямецкай мовах. На тытульным лісце трэба пазначыць:
1 ) катэгорыю (дзеці або моладзь);
2 ) назву эсэ;
3 ) імя;
4 ) паштовы адрас;
5 ) нумар тэлефону;
6 ) адрас электроннай пошты;
7 ) грамадзянства;
8 ) узрост на момант 30 чэрвеня 2010 г.;
9 ) пол;
10 ) назву навучальнай установы (калі магчыма);
11 ) колькасць словаў.
Настаўнікі могуць падаваць зборнікі эсэ ад класа або групы. У гэтым выпадку трэба далучыць спіс удзельнікаў і кантактныя звесткі настаўніка.
Эсэ мусяць быць арыгінальнымі ды не публікавацца да конкурсу. Аўтарскія правы на эсэ перадаюцца арганізатарам конкурсу. Працы, напісаныя ў суаўтарстве, не прымаюцца.
Узнагароды (у абедзьвюх катэгорыях)
Першая прэмія – сэртыфікат і 100 тыс. енаў (прыблізна $ 1 000) – адзін пераможца.
Другая прэмія – сэртыфікат і 50 тыс. енаў (прыблізна $ 500) – два пераможцы.
Трэцяя прэмія – сэртыфікат і падарунак – 5 пераможцаў.
Заахвочвальныя прызы: сэртыфікат і падарунак – 25 удзельнікаў.
Асобаў, узнагароджаных першаю прэміяй, запросяць на цырымонію ўручэння, якая пройдзе сёлета ў лістападзе ў Токіо (Японія). Выдаткі на падарожжа пакрыюць арганізатары.
Конкурсныя працы можна дасылаць на адрас:
International Essay Contest c/o The Goi Peace Foundation
1-4-5 Hirakawacho, Chiyoda-ku, Tokyo 102-0093 Japan
Або на электронную скрыню: [email protected]
Больш падрабязную інфармацыю можна знайсці тут.
