У будучыні карыстальнікі электронных прыладаў змогуць абыйсціся без разетак, сцвярджаюць амерыканскія даследнікі. Каб зарадзіць тэлефон ці плэер, трэба будзе быць пахадзіць пешшу ці – найлерш – пабегаць.
Для пераўтварэння механічнай энергіі ў электрычную навукоўцы выкарыстоўвалі нанадрот з вокісу цынку. Націскаючы пальцамі на яго, даследчыкі змаглі атрымаць напругу ў 1,2 вольта.
Пры хадзе пешшу энергіі вырабляецца ў 10 раз больш, сцвярджаюць распрацоўнікі. Праз два-тры гады яны плануюць укараніць тэхналогію ў прылады з нізкім энергаспажываннем — напрыклад, у Bluetooth-перадатчыкі. Праз пяць гадоў на пешую падзарадку будуць пераведзеныя мабільныя тэлефоны і MP3-плэеры.
Раней у якасці альтэрнатывы электрычнай разетцы прапанавалі выкарыстоўваць «пальчыкавыя» батарэйкі, сонечную энергію, цяпло чалавечага цела і нават газіроўку.
Адну з такіх ідэй здолелі рэалізаваць у Японіі. Там адзін з найбуйнейшых аператараў сотавай сувязі летась запусціў у продаж воданепранікальны мабільны тэлефон на сонечных батарэях. Дастаткова на 10 хвілін пакінуць тэлефон пад прамянямі сонца, каб ён змог затым прапрацаваць 2 гадзіны. Праўда, і кошт тэхнічнай навінкі быў далёка не маленькі, ад 400 да 600 даляраў. Танней купіць некалькі новых акумулятараў.
Зрэшты, дастаткова больш аб’ёмнага акумулятара, каб тэлефон працаваў так, што пра падзарадку можна будзе забыцца. Своеасаблівы рэкорд у гэтай намінацыі паставіла кітайская кампанія, якая выпусціла мабільнік LionKing, батарэя якога змяшчае 16800 мА. Гэта у дзесятак раз больш, чым звычайна. Тэлефона хапае на 5 дзён размовы альбо на год працы ў пасіўным рэжыме.
Для продажу ў Беларусі такія мадэлі не завозіліся.
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…
Ці падабаецца вам свой голас? Адказ на гэтае пытанне не бывае адназначным. Але голас –…