Грамадства

Дзень Дзіцяці ў Брэсце

Сёння, 1 чэрвеня, Брэсцкая суполка “Моладзі БНФ” пры дапамозе сяброў ГА “Дзедзіч”, правяла штогадовую традыцыйную акцыю прысвечаную  міжнароднаму Дню Дзіцяці.

Моладзь павіншавала каля двухсот маленькіх беларусаў у розных кропках гораду. Кожнага з іх актывісты пачаставалі цукеркамі і раздалі прыгожыя рознакаляровыя балёнікі. Некаторыя падлеткі, якім так сама перапала цукерак і балёнікаў ва ўдзячнасць далучыліся да акцыі і дапамаглі астатнім распаўсюджваць падарункі (асобую падзяку выказваем хлапчуку Кірылу, які быў з намі ад пачатку і да канца акцыі).

Прыемна бачыць адразу  столькі дзетак шчастлівымі, – кажа адна з актывістак “Моладзі БНФ” – калі бачыш столькі усмешак, словаў падзякі, шчастлівых твараў, то і сама неяк зараджаешся пазітывам.

МБНФ-Брэст, dzedzich.org

0 Comments

Пакінуць адказ