У Берасці пачынаецца акцыя супраць адмены канцэрту беларускага спевака Зміцера Вайцюшкевіча, які меўся адбыцца 18 сакавіка. Маладыя актывісты, прыхільнікі творчасці таленавітага музыкі, збіраюць подпісы пад зваротам да міністра культуры з просьбай садзейнічаць у арганізацыі канцэрту Вайцюшкевіча ў Берасці.
Многія ўжо ведаюць, што канцэрт Зміцера Вайцюшкевіча, які павінен быў адбыцца 18 сакавіка, адменены па палітычных прычынах, хоць грамадскасці яны і не называюцца.
Пацярпеў ад свавольстваў улад не толькі гэты спявак – яшчэ многія іншыя фігуранты загадкавага “чорнага спісу”, які пару тыдняў таму быў апублікаваны ў інтэрнэце.
Улады пакуль адмаўляюць той факт, што зрывы канцэртаў адбываюцца мэтанакіравана, але гэта даўно стала відавочным.
Для таго, каб выказаць пратэст супраць “чорнага спісу” увогуле і зрыву канцэрта Зміцера Вайцюшкевіча ў прыватнасці, дабіцца адмены забаронаў, праводзіцца акцыя “Вайцюшкевіча ў Брэст!”.
Яна заключаецца ў зборы подпісаў берасцейцаў пад зваротам на імя міністра культуры Паўла Латушкі.
Мы просім яго абараніць нашыя канстытуцыйныя правы і садзейнічаць правядзенню канцэрта Зміцера Вайцюшкевіча ў горадзе.
Заклікаем усіх далучацца да акцыі і дапамагчы ў зборы подпісаў!
Што для гэтага рабіць? Калі вас шмат, спампуйце і раздрукуйце ліст з ячэйкамі для подпісаў.
Прапусціўшы першую графу (нумар па парадку), запоўніце разборліва форму.
Няхай тое ж зробіць як мага больш людзей з вашага атачэння, якія цэняць творчасць спевака і выступаюць супраць рэпрэсій у галіне культуры.
Запоўненыя лісты з подпісамі можна прыносіць на офіс “Дзедзіча” (вул. Кірава, 60).
Кантактны тэлефон: (029) 724-21-16 (Дзмітрый).
Калі вы адзін, каб пакінуць свой подпіс тэлефануйце па тэлефоне 527-78-08 (Іна).
Па гэтых жа тэлефонах можна звяртацца за даведкамі.
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…
Ці падабаецца вам свой голас? Адказ на гэтае пытанне не бывае адназначным. Але голас –…
Падарожжа ў новы горад заўсёды ўключае ў сябе імкненне даведацца яго гісторыю, адчуць яго душу…
У гістарычныя часы на тэрыторыі Берасця ўзвышаўся велічны бернардзінскі манастыр, заснаваны яшчэ ў першай палове…