Пра гэта 20 траўня на семінары “Індэксы спажывецкіх цэн: тэорыя і практыка” паведаміла намеснік старшыні Нацыянальнага статыстычнага камітэта Ірына Кангро.
Паводле яе слоў, такія калькулятары размешчаны на сайтах статыстычных ведамстваў шэрагу дзяржаў, у тым ліку Расіі. Яны дазваляюць кожнаму вылічваць рост цэн на тыя прадукты і паслугі, якімі ён карыстаецца.
Кангро зазначыла, што, паводле слоў калег з Расстата, карыстацца такім калькулятарам даволі цяжка. Чалавек павінен як мінімум два месяцы весці ўлік сваіх расходаў, кожны дзень запісваць, на што былі патрачаны грошы, разлічваць структуру спажывання, запісваць усе цэны на тавары і паслугі. Толькі ўвёўшы гэтыя звесткі ў калькулятар, можна вылічыць “персанальную інфляцыю”.
Намеснік старшыні Белстата паведаміла, што па гэтым пытанні вядзецца работа з калегамі з Малдовы, вывучаецца вопыт Германіі. Яна зазначыла, што беларусы зараз могуць карыстацца персанальным калькулятарам, размешчаным на сайце Расстата.
Апрача таго, паведаміла Кангро, у Белстаце ствараецца аддзел міжнароднай статыстыкі, які будзе супастаўляць звесткі беларускага камітэта са звесткамі статыстычных ведамстваў іншых краін і публікаваць іх на сайце.
Паводле: http://racyja.com
