Адзін з карыстальнікаў сацсеткі прапануе правесці цёплы летні вечар наступным чынам.
Чым можна заняцца ў сераду вечарам, калі ну зусім няма чаго рабіць:
– можна гуляць
– можна стаяць у чарзе за квасам, марозівам
– можна разглядаць мапу горада
– абмяркоўваць зь мінакамі стылі архітэктуры дамоў на Плошчы
– можна пытацца ў міліцыянтаў як прайсьці на вуліцу Кальварыйскую, напрыклад
– зьдзіўляцца, што ў Кобрыне, напрыклад, такой вуліцы няма
– можна папрасіць міліцыянта сфатаграфаваць вас на ваш фотаздымач
– можна пытацца ў міліцыянта, які здымае вас на камэру, дзе можна будзе спампаваць\паглядзець дадзенае відэа
– перадаваць прывітаньні маці\тату\усім аднасельчанам у камэру
– стаяць і глядзець на неба
– гуляць па плошчы ў масцы Гая Фокса
– папрасіць міліцыянта дапамагчы перавесьці вас праз дарогу
– падзякваць міліцыянтам за належнае выкананьне загаду №1 ад 1-га студзеня 2005 г.
– запісаць дадзеныя міліцыянтаў і спытацца дзе можна напісаць падзяку за належнае выкананьне загаду №1 ад 1-га студзеня 2005 г.
– здымаць дзеяньні міліцыянтаў на камэру і выкладаць відэа ў сеціва, паказваючы як належна міліцыянты выконваюць загад №1 ад 1-га студзеня 2005 г.
– прасіць міліцыянта патлумачыць што такое масавае мерапрыемства\мітынг\шэсьце
– спытаць у міліцыянта ці не парушаеце вы рашэньне Мінгарвыканкаму №1554 ад 2 чэрвеня 2011 г. гуляючы па плошчы
– растлумачыць што проста спыталі, і няма розьніцы што падзея адбываецца ў Берасці
– можна вадзіць карагод ці ручаёк вакол міліцыянтаў
– калі вас раптам зь некім пераблыталі і затрымалі, можна легчы на зямлю, міліцыянтам плацяць за тое, што яны носяць вас на руках
– пасьля таго, як міліцыянты вас занясуць у аўтазак, можна іх паўдзячыць за належнае выкананьне загаду №1 ад 1-га студзеня 2005 г.
– у аўтазаку абавязкова перадавайце грошы за праезд кіроўцу ці кандуктару
– растлумачце міліцыянтам, што ня хочаце, каб паўтарыўся выпадак з “зайцам” на Нямізе.
Плошча Леніна
