Якасныя цыгарэты можна набыць толькі ў дзяржаўных крамах – да такога выніку прыходзяць жыхары Берасця. Закранае гэта і прадпрымальнікаў, якім фірма Белтабакінфест адпускае цыгарэты толькі малымі порцыямі.
Так берасцейскі прадпрымальнік Уладзімір Катрыч, наведаўшы чарговы раз Белтабакінвест убачыў у руках супрацоўнікаў фірмы афіцыйны наказ, па якому тавар можна адпускаць толькі прадстаўнікам дзяржаўных крамаў.
Пасля таго прадпрымальнік звярнуўся ў гарадскі выканаўчы камітэт:
– Паспрабавалі даведацца ў гарвыканкаме лёс гэтага дакуманта, паглядзець у арыгінале. Супрацоўнікі аддзела гандлю былі здзіўленыя, зрабілі такі выгляд, што такога дакуманта ў вочы не бачылі. На рукі афіцыйным шляхам атрымаць мы яго не змаглі. Мы пакінулі афіцыйны запыт, на права азнаёміцца з гэтым дакумантам.
На замену якасным цыгарэтам у кіёсках і крамах сталі з’яўляцца танныя цыгарэты беларускай вытворчасці, аднак не ўсіх берасцейцаў такі тавар задавальняе:
– Па прычыне таго, што танныя цыгарэты ідуць толькі беларускія, курыць іх немагчыма.
– Я думаю, што гэтыя танныя цыгарэты, можна толькі ў Польшчу вазіць, і ўсё.
– Я ж курыльшчык усё ж такі, таму мне не падабаюцца, скажам так.
Недахоп у продажы якасных цыгарэт берасцейцы і госці горада адчулі яшчэ на пачатку красавіка, аднак праблема не вырашаная дзяржаваю і да сённяшняга часу.
Паводле: Радыё Рацыя
Фота: susvet.info