“Прачытаў кнігу – пакінь іншаму” – пад такім лозунгам у горадзе над Бугам узяў свой пачатак буккросінг. Буккросінг – грамадскі рух, уяўляючы сабою безкаштоўны абмен кнігамі.
Дзякуючы прадстаўнікам ініцыятывы ў сацыяльнай сетцы Укантакце “Буккросинг. Брест” у берасцейскай абласной навукова-тэхнічнай бібліятэцы з’явілася адмыслова паліца, на якой можна пакідаць кнігі для буккросінгу.
– Дастаткова зайсці на нашу інтэрнэт старонку, звярнуцца да нашага адміністратара, а можна і ўласна кажучы падыйсці да гэтай паліцы і паглядзець. Рукі заламываць не станем, калі чалавек проста возме гэтую кнігу з сабой і пойдзе. Але нам, канешне, хацелася б, каб гэта было больш цывілізавана. Таму гэтую кнігу, увогуле трэба было б зарэгістраваць на сайце bookcrossing.ru. Кожнай кнізе там прысвойваецца свой унікальны нумар. Такім чынам, праз гэты сайт можна адслежваць гісторыю вандроўкі кожнай кнігі, адпушчанай на волю, – распавяла загадчыца берасцейскай абласной навукова-тэхнічнай бібліятэкі Вольга Лызо.
Таксама берасцейцы і госці горада могуць пакідаць свае кнігі на вуліцах горада, папярэдне пазначыўшы месца пакінутай кнігі на сайце bookcrossing.ru, аднак, па словах Вольгі Лызо, бяспечней будзе пакінуць кнігу на паліцы бібліятэкі.
Паводле: Радыё Рацыя
