Сёння ў Берасці адзначылі дзень украінскай пісьменнасці і мовы, свята якое нашы паўднёвыя суседзі адзначаюць штогод, пачынаючы з 1997 года.
Святочнае мерапрыемства праходзіла ў Берасцейскім абласным грамадскім культурным цэнтры. Там прадстаўнікі ўкраінскай нацыянальнай меншасці, жыхары і госці Берасця змаглі пазнаёміцца не толькі з творамі вядомых пісьменнікаў, але ж і з творчасцю малавядомых і сучасных літаратараў.
У фае АГКЦ была арганізавана выстава навуковых і мастацкіх кніг, прадметаў ручной працы украінскага народа з элементамі нацыянальнай сімволікі.
Выстава прадметаў ручной працы украінскага народа
Пасля ў АГКЦ адбыўся святочны канцэрт, дзе перад аматарамі украінскай культуры выступілі вядомыя барды Мікола Герасімік і Юрый Носалів.
Юрый Носалів
Мікола Герасімік
Хэдлайнерам на гэтым мерапрыемстве быў народны калектыў з Сакольшчыны (Львоўская вобласць). Яны выконвалі ўсім вядомыя украінскія народныя пені. І ў гэты момант слухачам цяжка было стрымацца, таму яны пачалі падпяваць і падтанцоўваць.
Народны музычны ансамбль з Сакольшчыны (Львоўская вобласць)
Народны музычны ансамбль з Сакольшчыны (Львоўская вобласць)
Дзень украінскай пісьменнасці быў арганізаваны Генеральным консульствам Украіны ў Берасці і прадстаўнікамі ўкраінскай нацыянальнай меншасці.
