Завершыўся 3 берасцейскі Арт-Праект (ФОТА)

У Берасці прайшоў штогадовы Арт-праект пад назвай «У доме Грыбаедава», дзе жыхары і госці горада змаглі пазнаёміцца з нестандартнай прозай, паэзіяй і альтэрнатыўнай музыкай.

 

Першым з паэтаў быў Кірыла з творамі як на расейскай, так і на беларускай мовах.  За ім – Андрэй з нестандартнай псіхалагічнай паэзіяй аб пачуццях. Выдатную палову чалавецтва прадставіла Крысціна. Яе жаночая лірыка была не банальнай, і вельмі інтрыгавала, нават здавалася філасофскай.

«Я строю дома и пишу стихи» – сказаў сам пра сябе Аляксандр. Яго невялікія вершы пакінулі ў памяці немалы адбітак.

Самай экстравагантнай ўдзельніцай гэтага вечара стала Торы Малышава: чытанне вершаў з пісталетам у скроні ўразіла ўсіх. Яна ўжо не першы год дзівіцьпублікусваімі пачуццёвымі выступамі.

Што тычыцца музычных выступленняў, то яны таксама былі вельмі дынамічнымі і не давалі магчымасці гледачам сысці ў сябепасля такой пранікнёнай прозы. Берасцейскі гурт «Спрат» разагрэў залу ў  самым пачатку вечара.

Выхад гурта GreenPills сустрэлі бурнымі авацыямі. Акрамя музычных кампазіцый фронтмэн гурта прачытаў верш «Маё Пакаленне», якое ўразіла публіку неменш, чым песні.

 

І завяршыў вечар   сталічны гурт «Чып і Дэйл». Іх выступленне суправаджалася скрыпкай. Акрамя сваіх кампазіцый музыкі выканалі і ўсім вядомыя песні, у тымліку песню з мультфільма .

На фоне гэтых выступленняў праходзіў паказ кароткаметражных арт-хаўс фільмаў. Хоць і ў зале не было аншлагу, атмасфера творчага вечара не стала менш насычанай і яркай.

Паводле: radiostart.by