ЕГУ абвяшчае конкурс навукова-даследчых праектаў

Еўрапейскі гуманітарны ўніверсітэт у Вільні абвяшчае для выпускнікоў ВНУ конкурс навукова-даследчых праектаў у розных напрамках: ад палітыкі і права да гісторыі і псіхалогіі.

Магістарская школа ЕГУ зместава і арганізацыйна аб’ядноўвае зарэгістраваныя ў Літве магістарскія праграмы ў галіне права, сацыялогіі культуры, гісторыі, антрапалогіі, культурнай спадчыны, палітычных навук, бізнэс-адміністравання, псіхалогіі, арыентаваныя на міждысцыплінарныя навуковыя даследаванні, фарміраванне крытычнага незалежнага мыслення. У магістарскай школе могуць працягнуць сваё навучанне тыя, хто мае вышэйшую адукацыю ў галіне гуманітарных і сацыяльных навук і жаданне рухацца далей: падвысіць прафесійную кваліфікацыю, рэалізаваць навуковы патэнцыял, увайсці ў кола вольных мысляроў-інтэлектуалаў. У выпадку паспяховага заканчэння праграмы слухачы атрымліваюць дыпломы магістраў, якія прызнаюцца ў краінах Еўрапейскага саюза.

Мэта конкурсу – забеспячэнне навуковай, метадычнай, інфармацыйнай падтрымкі маладым даследчыкам з Беларусі ды іншых краін рэгіёна Цэнтральнай і Усходняй Еўропы. Пераможцы конкурсу могуць прэтэндаваць на атрыманне дадатковых балаў, якія будуць улічвацца ў акадэмічным рэйтынгу падчас паступлення ў магістратуру ЕГУ і дазволяць узяць удзел у конкурсе на атрыманне фінансавай падтрымкі для студэнтаў магістратуры ў 2012-2013 навучальным годзе.

Напрамкі конкурсу

• Міжнароднае права і еўрапейскае права
• Публічная палітыка
• Гістарычная і культурная спадчына
• Экзістэнцыяльная псіхалогія
• Культурныя даследаванні, спецыялізацыі:
• Візуальныя і культурныя даследаванні
• Гендарныя даследаванні
• Крытычныя гарадскія даследаванні

Да ўдзелу ў конкурсе запрашаюцца выпускнікі вышэйшых навучальных установаў Беларусі ды іншых краін рэгіёна, якія маюць на момант падачы заяўкі завершаную вышэйшую адукацыю.

Пераможцы конкурсу

• • артымліваюць дадаткова 0,5 – 1,0 бал да акадэмічнага рэйтынгу ў выпадку паступлення ў магістратуру ЕГУ;
• • будуць запрошаныя на штогадовую міжнародную навуковую студэнцкую канферэнцыю «Еўропа 2013» з забеспячэннем бясплатнай візы і бясплатнага пражывання.

Канкурсанты падаюць заяўкі праз электронную пошту. Усе заяўкі праходзяць працэдуру папярэдняга адбору на адпаведнасць фармальным і тэматычным патрабаванням. Заяўкі, што прайшлі папярэдні адбор, рэцэнзуюцца экспертамі. Пераможцы конкурсу вызначаюцца Конкурснай камісіяй.

Вынікі конкурсу будуць абвешчаныя не пазней за 15 ліпеня 2012 г.

Заяўкі дасылаюцца на электронны адрас concursMA@ehu.lt .

Больш падрабязную інфармацыю можна атрымаць тут.