Галоўны прыз конкурса на лепшы артыкул на краязнаўчую тэматыку – кніга з аўтографам знакамітага беларускага пісьменніка ад сайта “Рэха Берасцейшчыны”.
Цягам двух месяцаў (ліпень-жнівень) рэдакцыя будзе прымаць артыкулы на краязнаўчую тэматыку: гісторыя, культура, этнаграфія, рэлігія, асобы… Матэрыялы будуць друкавацца на сайце, пасля чаго ў сацыяльных сетках будзе наладжана галасаванне, дзе інтэрнаўты выберуць найлепшыя артыкулы.
Форма напісання артыкулаў можа быць любой – навуковай, публіцыстычнай… Фотаздымкі, малюнкі да тэкстаў вітаюцца.
Аўтары артыкулаў, якія зоймуць два першыя месцы, будуць узнагароджаныя кнігамі Уладзімера Арлова “Пакуль ляціць страла” з аўтографам самога пісьменніка!
Аўтары іншых артыкулаў, упадабаных журы конкурсу, будуць узнагароджаныя выданнямі з серыі “Бібліятэка Свабоды”. Сярод іх – унікальны “Слоўнік Свабоды” і іншыя кнігі, выдадзеныя беларускай службай “Радыё Свабода”.
Артыкулы вы ўжо можаце дасылаць на электронную адрэсу [email protected], або ў папяровым варыянце на адрас 224030, г. Берасце, а/с 34.
З іншымі пытаннямі аб конкурсе можна звяртацца на згаданую электронную адрэсу, або ў суполкі ў сацыяльных сетках “Укантакце” і “Facebook”.
Крыніца: reha.of.by
Фота: reha.of.by
