Яго зладзілі працаўнікі гэтага прадпрыемства ў прысутнасці новага кіраўніка кацэрна “Беллегпрам” Міхаіла Сучкова, які прыехаў у Брэст, каб азнаёміцца са станам спраў на адным з самых праблемных аб’ектаў канцэрна. Паводле Праваабарончага цэнтра “Вясна”.
Каля прахадной ААТ “Дываны Брэста” сабраліся некалькі дзесяткаў жанчын, які тут працуюць, каб выказаць незадаволенасць сваімі заробкамі і ўвогуле цяперашняй сітуацыяй на прадпрыемстве. У выніку у шмат якіх цэхах працоўны тыдзень складаецца з двух-трох дзён, а рабочым іншым разам прапануюць сыйсці ў вымушаны адпачынак. Што тычыцца заробкаў, дык яны складаюць ад 300 да 500 тысячаў рублёў і ў пацверджанне сваіх словаў рабочыя дэманстравалі старшыні канцрэна “Беллегпарм” свае рахункавыя лісты.
Удзельнікі стыхійнай акцыі выказалі недавер кіраўніцтву “Дываноў Брэста”, бо не адчуваюць перамен да лепшага: асноўная вытворчасць прадпрыемства фактычна спынена на працягу апошніх дзевяці месяцаў, у той жа час адміністрацыя робіць рамонт свайго будынку і ўтрымлівае без скарачэнняў увесь склад інжынерна-тэхнічных работнікаў.
Фота: Еўрарадыё
Крыніца:spring96.org
