У Баранавічах праваабаронцы і грамадскія актывісты 30 студзеня вучыліся “назіраць” за адміністрацыйным працэсам і адпраўленнем адміністрацыйнага правасуддзя. Паводле Праваабарончага цэнтра “Вясна”.
– У Баранавіцкім гарадскім судзе на працягу года разглядаецца вельмі шмат адміністрацыйных спраў. Таму на навучальнае мерапрыемства былі запрошаныя асобы, якія не толькі цікавяцца праваабарончай тэматыкай, але і хочуць мець лепшыя веды пры арганізацыі назірання за судовымі працэсамі па адміністрацыйных справах, – паведаміў праваабаронца Сяргей Гоўша.
У якасці трэнераў выступілі прадстаўнікі Цэнтра прававой трансфармацыі Lawtrend і Праваабарончага цэнтра “Вясна”, якія прэзентавалі ўніфікаваны дзённік назірання за судовымі працэсам па адміністрацыйных справах. У гэтым дзённіку ўлічаны ўсе аспекты практычнай рэалізацыі права на справядлівы суд у Беларусі, што дазваляе бакам аргументавана адстойваць свае пазіцыі.
Падчас трэнінгу яго ўдзельнікі вывучалі асаблівасці адміністрацыйнага працэсу, праектавалі і мадэліравалі судовыя пасяджэнні па адміністрацыйных справах, а таксама вучыліся рэагаваць на адмоўныя тэндэнцыі, якія сёння назіраюцца пры разглядзе адміністрацыйных спраў у судах.
Крыніца: spring96.org
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…
Ці падабаецца вам свой голас? Адказ на гэтае пытанне не бывае адназначным. Але голас –…
Падарожжа ў новы горад заўсёды ўключае ў сябе імкненне даведацца яго гісторыю, адчуць яго душу…
У гістарычныя часы на тэрыторыі Берасця ўзвышаўся велічны бернардзінскі манастыр, заснаваны яшчэ ў першай палове…