У генпракуратуру паступіла заява аб пашкоджванні асаблівай гісторыка-культурнай каштоўнасці. Паводле праваабарончага цэнтра “Вясна”.
Старшыня Беларускага таварыства аховы помнікаў гісторыі і культуры Антон Астаповіч просіць Генеральнага пракурора Беларусі распачаць крымінальную справу наконт пашкоджання асаблівай гісторыка-культурнай каштоўнасці, якой з’яўляюцца пабудовы ў Брэсцкай крэпасці.
Як адзначаецца ў заяве, комплекс фартыфікацыйных забудоў крэпасці, што з’явіліся ў 1836-1842 і 1911-1914 гадах, уключаны ў “Дзяржаўны спіс гісторыка-культурных каштоўнасцей Рэспублікі Беларусь” і маюць найвышэшую катэгорыю аховы.
Аднак зараз, падчас будаўніцтва новага маста на тэрыторыі крэпасці, гэтая гісторыка-культурная каштоўнасць сур’ёзна пашкоджана.
Аўтар заявы просіць Генеральную пракуратуру правесці праверку па згаданаму факту, распачаць крымінальную справу, знайсці вінаватых і прыцягнуць іх да адказнасці. Акрамя таго, Антон Астаповіч хоча, каб наглядны орган праверыў законнасць навуковага абгрунтавання праектнага рашэння, якое тычыцца будоўлі новага маста на тэрыторыі гісторыка-культурнай каштоўнасці ў тым месцы, дзе ён ніколі не існаваў. У заяве таксама выказваецца патрабаванне спыніць незаконныя змены гісторыка-культурнай каштоўнасці, якія пагаршаюць умовы ўспрымання Брэсцкай крэпасці.
Крыніца: spring96.org
Павел Феранец, ці Ferenc, – ідэальны суразмоўца. Дамаўляемся пра сустрэчу – адразу падбіраем зручны для…
Гэты новы дом у цэнтральнай часцы горада на вуліцы Гогаля здаваўся ідэальным, калі тут набывалі…
Ідэальны адпачынак – гэта час, праведзены сярод тых, хто з табой на адной хвалі. У…
Чалавек сам стварае сваё наваколле. Да такой высновы аднойчы прыйшлі жыхары сціплага пяціпавярховага дома ў…
Існуе меркаванне, што Берасце – нецікавы горад, у якім няма куды схадзіць, але насамрэч гэта…
Для кожнага з нас словы “макіяж”, “фрызура”, “фотаздымкі” значаць нешта сваё. Для некага гэта частка…
