Дзедзіч запрашае ў летнік “Залессе-2013”

АРР “Дзедзіч” запрашае маладых людзей з усіх рэгіёнаў Беларусі да ўдзелу ў добраахвотніцкім летніку “Залессе – 2013”, які пройдзе ў вёсцы Залессе Камянецкага раёна з 23 па 28 ліпеня.

Восенню 2008 года ў гэтай вёсцы намаганнямі сяброў “Дзедзіча” быў знойдзены і выкуплены прыгожы дом 1931 года пабудовы. Ужо 4 гады паступова, але мэтанакіравана вядуцца будаўнічыя працы па стварэнні грамадскага асяродка для адукацыйных, культурных, спартыўных і экалагічных імпрэз, летнікаў, семінараў, канферэнцый, музычных фэстаў, у якіх будзе браць удзел моладзь з Беларусі і іншых краін Еўропы.

Еўрапейскі дом мы можам пабудаваць разам!!!

Актыўных і пазітыўных маладых людзей з усіх рэгіёнаў Беларусі запрашаем далучыцца да працы ў летніку, каб стаць надалей ганаровымі і заўсёды жаданымі гасцямі “Еўрапейскага дому”.

Як усё будзе адбывацца?

З 23 ліпеня пачынае працу намётавы гарадок вакол аб’екта рэканструкцыйна-будаўнічых прац. Але паколькі дом знаходзіцца ўжо ў досыць высокай ступені гатоўнасці, ахвотныя могуць размясціцца ў самім доме.

Летнік “Залессе-2013” гэта:

• – працы на аб’екце 3-4 гадзіны ў дзень (гл. распарадак дня);
• – сустрэчы з вядомымі творчымі асобамі;
• – канцэрт з ўдзелам Піта Паўлава – аднаго з пачынальнікаў беларускага року;
• – вандроўка ў Воўчын (радзіма апошняга караля Рэчы Паспалітай са старажытным Троіцкім касцёлам);
• – вандроўка ў Ставы (святая крыніца);
• – файер-шоў і свята вады на возеры Катэра;
• – вечаровы Open Air;
• – дэбаты;
• – прыемныя размовы і летнія раманы )))

Каб патрапіць на летнік, трэба:

• быць авантурным, прыемным, разумным, крэатыўным і вясёлым чалавекам;
• запоўніць анкету-заяўку і даслаць яе на адрас: dzedzich@tut.by да 15 ліпеня;
• прыехаць;
• і застацца ў ганаровай кнізе сябрам “Дома еўрапейскіх сустрэч” назаўжды!!!

Арганізатары летніка забяспечваюць:

• – праезд з Берасця і назад;
• – размяшчэнне (у намётах або ў доме);
• – харчаванне.

Пытанні, заяўкі і анкеты прымаюцца да 15 ліпеня на электронную скрыню: dzedzich@tut.by.

Тэлефоны для дадатковай інфармацыі: 8(029)724-21-16, 8(029)660-57-41 (Дзмітрый).

Паглядзець фота з папярэдніх летнікаў: тут і тут і тут. Фоткі з апошніх летнікаў можна паглядзець у альбомах Укантакце: тут і тут.

Спампаваць анкету-заяўку на ўдзел у летніку: тут.

Спампаваць распарадак дня: тут.

Спампаваць правілы ўдзелу ў летніку: тут.

Перайсці да мерапрыемства “Укантакце”: тут.

Відэафільм пра АРР “Дзедзіч” на тэлеканале “Белсат” расказвае ў тым ліку і пра Дом еўрапейскіх сустрэч:

А тут можна паглядзець home-відэа з летніка “Залессе-2011”, каб адчуць яго атмасферу: