Семінар для прадстаўнікоў/-чак беларускіх моладзевых арганізацый і ініцыятыў, зацікаўленых у сістэмнай працы на карысць інтарэсаў моладзі, адбудзецца 22-23 лютага.
Беларускі нацыянальны моладзевы савет “РАДА”, пры падтрымцы Еўрапейскага Моладзевага Форума, запрашае ўдзельнікаў беларускіх моладзевых арганізацый і ініцыятыў прыняць удзел у семінары, скіраваным на пашырэнне ведаў маладых беларусаў па тэмах, звязаных з моладзевай палітыкай і прасоўваннем інтарэсаў моладзі на розных узроўнях. Семінар “Падтрымка моладзі ў Еўропе: прынцыпы, палітыка, практыка” з’яўляецца першым з мерапрыемстваў, запланаваных Радай для правядзення ў 2014 годзе ў межах адукацыйнага курса “Акадэмія моладзевай палітыкі”.
Першы семінар пройдзе 22-23 лютага ў Мінску.
Тэмы семінара
Што такое моладзевая палітыка і чаму моладзь вылучаецца асобнай катэгорыяй.
Развіццё моладзевай палітыкі ў Еўропе.
Праблемы развіцця моладзевай палітыкі ў Беларусі, магчымасці на яе ўплываць.
Хто можа прыняць удзел у семінары?
Да ўдзелу ў першым семінары, які пройдзе 22-23 лютага ў Мінску, запрашаюцца прадстаўнікі/-чкі недзяржаўных моладзевых арганізацый ці ініцыятыў ва ўзросце ад 18 да 31 году, якія пражываюць у Беларусі і зацікаўленыя ў працы, скіраванай на абарону і прасоўванне інтарэсаў беларускай моладзі.
Перавага пры адборы будзе аддавацца прадстаўнікам/-чкам сяброўскіх арганізацый Беларускага нацыянальнага савета “РАДА”. Вітаецца актыўны ўдзел моладзі з рэгіёнаў Беларусі.
Што трэба, каб прыняць удзел?
Каб прыняць удзел неабходна запоўніць анкету і выслаць яе да 20 лютага на адрас info@rada.fm з тэмай ліста “АМП”.
Арганізатары пакрываюць выдаткі на праезд, пражыванне і харчаванне падчас семінара.
Анкета для ўдзелу ў моладзевым семінары: anketa-dlia-udzelu-e-seminary
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…
Ці падабаецца вам свой голас? Адказ на гэтае пытанне не бывае адназначным. Але голас –…