Навучанне за мяжой. Польшча

Сёння мы ў гасцях у дзяўчыны , якая не пабаялася кінуць вучобу ў Брэсцкім ВНУ на трэцім годзе навучання і з’ехала вучыцца ў Польшчу. Пра ўсі цяжкасці, якія давялося прайсці, пра плюсы і мінусы такога рашэння нам раскажа студэнтка Вроцлаваўскага университа – Ганна Макарук.

– Ганна, як табе прыйшла ў галаву ідэя кінуць вучобу ў Брэсце і з’ехаць у Польшчу?

– У адзін час я зразумела, што ў мяне за плячыма ўжо 3 курса Брэсцкага педагагічнага універсітэта , як “раптам” я вырашыла паехаць вучыцца ў Польшчу. Зразумела, гэта адбылося не выпадкова. Я дастаткова доўга планавала гэты цяжкі і адказны крок, сама займалася падрыхтоўкай патрэбных дакументаў, параллельна вучыла мову і выязджала на разнастайныя семінары і трэнінгі ў Польшчу. Шмат інфармацыі глядзела ў інтэрнэце. Гэта не самы лёгкі працэс, але калі ставіш перад сабой пэўныя мэты – дакладна ведаеш да чаго ісці. А тут я для сябе перспектыў не бачыла …

– Не шкада было страціць тры гады навучання? Столькі часу і нерваў …

– Вядома, можна сказаць, што я страціла 3 гады. Але я не разглядаю гэта як страту. За гэтыя тры гады я шмат чаму навучылася, а менавіта – жыць і змагацца да канца. Юнакі і дзяўчаты, якія выязджаюць у Польшчу ў 17-18 гадоў, сустракаюцца з рознага выгляду праблемамі, такімі як самастойнае жыццё і адказнасць за прыняцце рашэнняў. І ўсё гэта на фоне сур’ёзнай і карпатлівай вучобы! Не ўсе гэта вытрымліваюць, не ўсім атрымоўваецца патрапіць у гэты вір падзей і застацца ў ім. А ў мяне ўжо быў добры вопыт.

– А беларусам цяжка ўвогуле з’ехаць вучыцца ў Польшчу?

– У Польшчу паехаць вучыцца для нас, заходніх беларусаў, куды прасцей, чым у якую-небудзь іншую краіну ЕС. За гэта трэба сказаць вялікі дзякуй нябожчыку Леху Качыньскаму, прэзідэнту Польшчы, які прапанаваў увесці карту паляка, тым самым проста адкрыў нам вароты ў Еўропу.

– Добра , а чаму менавіта універсітэт ва Вроцлаве ?

– Што тычыцца горада, ВНУ і спецыяльнасці, так ужо здарылася, што я паслухала рады не мамы з татам, а сваёй настаўніцы польскай мовы. Менавіта яна параіла мне паехаць ва Вроцлаў. Што ж, а універсітэт з маёй спецыяльнасцю (ангельская філалогія) быў толькі ва Вроцлаве, ён і стаў маёй Альма Матэр. Я вырашыла працягнуць вывучаць мовы, і мне вельмі пашанцавала, бо я вучуся на англійскай, якую я дастаткова добра ведаю, а размаўляю і практыкую ў польскай , якую за паўгады вельмі добра падняла.

– Наколькі цяжка табе было паступіць ?

– Паступаць з картай паляка зусім не цяжка. Мне не прыйшлося здаваць экзаменаў, адно толькі інтэрвію вырашыла мой лёс. Плюс разнастайныя дакументы, якія я доўга і ўпарта рыхтавала да гэтай падзеі. Увесь іх спіс быў пададзены на сайце універсітэта, а такжа час іх здачы. Інфармацыя даступная і адкрытая , твая задача толькі сабраць усе неабходныя дакументы ў тэрмін.

– А чаму маладыя людзі ўвогуле з’язджаюць вучыцца ў Еўропу ? Бо цяпер гэта цэлая тэндэнцыя, асабліва ў заходнім рэгіёне нашай краіны.

– Чаму многія школьнікі з’язджаюць? Таму што сёння даступны разнастайныя інтэнсіўныя курсы мовы, якія даюць магчымасць паступіць на “Зерувку “, адкуль пры стараннай вучобе можна трапіць у прэстыжны ВНУ. Да таго ж, я проста ўпэўненая, што ім пашчасціла зрабіць своечасова ўсе дакументы (ўпэўненая, не без дапамогі бацькоў) і здаць усе неабходныя экзамены. Да таго ж, думаю, бацькі шмат чулі пра нашу сістэму адукацыі і, каб не зламаць ў былым школьніку асобу, адправілі сваё дзіця ў больш бяспечную серад , тым не менш, не пазбаўленую сваіх нягод і несправядлівасці.

– У цябе быў вопыт вучобы ў нашай ВНУ і ўжо ёсць вопыт вучобы ў Польшчы. Правядзі аналогіі?

– Як параўнаць агонь і ваду?… Не, я не збіраюся апяваць замежны падыход да адукацыі і апускаць айчынны. Кожнаму сваё … Ды толькі розніца ёсць. І яна істотная! У Польшчы ніхто з выкладчыкаў ніколі не выцягне студэнта  за парты і не абразіць яго, ніколі не зробіць вымову за глыток вады падчас занятку, або за выпадковае спазненне . Да студэнтаў ставяцца паважліва, слухаюць іх думкі і прапановы. На занятках адказваць не страшна, слухаць нешматлікія лекцыі займальна і не сумна, так як выкладчыкі не чытаюць з лісточка і не дыктуюць пад запіс 90 хвілін запар …

– Увогуле ты сваім выбарам задаволеная? Што можаш сказаць жадаючым паступаць у твой універсітэт?

– Так, я першапачаткова не сумнявалася, што ўсё раблю правільна! Студэнтам можа не спадабацца наступны факт, але з перапісваннем ды плагіятам тут сур’ёзна. Рызыка не здаць прадмет і вылецець вельмі вялікі. У адрозненні ад нашых ВНУ –  тут трэба ВУЧЫЦЦА ! ! !

Некалькі цікавых фактаў пра Вроцлаўскі універсітэт :

–          факультэт хіміі адзіны ў Польшчы мае 2 міжнародныя акрэдытацыі , якія сведчаць аб найвышэйшым узроўні адукацыі і вялікай прывабнасці хімічных напрамкаў

–          універсітэцкая бібліятэка мае найбуйнейшы ў Польшчы сход старадрукаваных кніг з 1456-1800 года. Збор налічвае 310 тыс. асобнікаў і займае вядучае месца ў Еўропе.

–          Вроцлаўскі універсітэт мае ўласную палярную станцыю на востраве Заходні Шпіцберген.

–          вядомы ва ўсім свеце студэнцкі гімн «Гаўдэамус» праславіўся дзякуючы вядомаму нямецкаму кампазітару Іаганеса Брамса, які адмыслова для Вроцлаўскага універсітэта напісаў Акадэмічную уверцюру, выкарыстаўшы мелодыю студэнцкай песенькі і надаўшы ёй урачыстасці.