Спектакль “Гісторыі Беларусі. Вялікае Сяло” быў паказаны ў межах акцыі Ноч музеяў.
У Брэсце дзеці прадставілі тэатр ценяў. Праект “Гісторыі Беларусі. Вялікае Сяло” на працягу лета 2014 года рэалізоўваў брэсцкі тэатр “Крылы халопа”. Акторы тэатра ладзілі майстар-класы для дзяцей вёсак Вялікае Сяло і Ялова Пружанскага раёна Брэстчыны. Дзеці асвойвалі тэхніку тэатра ценяў, самі стваралі лялькі і сцэнаграфію, вучыліся прамаўляць тэатральны тэкст і ствараць музычнае і гукавае афармленне спектакля.
Як распавяла Еўрарадыё рэжысёр тэатра Аксана Гайко, сюжэт спектакля склалі маленькія чалавечыя аповеды пра Вялікую Айчынную вайну, пра якія не магчыма даведацца з падручнікаў гісторыі.
Гайко: “Дзеці самі рабілі лялькі, але самае галоўнае ў гэтым праекце, што гэта дакументальны спектакль. Матэрыялам для яго сталі рэальныя гісторыі жыхароў гэтых вёсак — Вялікае Сяло і Ялова. Дзеці самі збіралі аповеды дзядуляў і бабуляў, рэальныя гісторыі пра жыццё, вёску, каханне. І вось гэтыя гісторыі былі рэалізаваныя ў фармаце тэатра ценяў”.
Брэсцкая прэзэнтацыя спектакля адбылася 15 траўня ў музеі “Выратаваныя мастацкія каштоўнасці”. Праект прыняў удзел у акцыі “Вечныя каштоўнасці”, якая адбылася ў межах Міжнароднай Ночы музеяў.
Павел Феранец, ці Ferenc, – ідэальны суразмоўца. Дамаўляемся пра сустрэчу – адразу падбіраем зручны для…
Гэты новы дом у цэнтральнай часцы горада на вуліцы Гогаля здаваўся ідэальным, калі тут набывалі…
Ідэальны адпачынак – гэта час, праведзены сярод тых, хто з табой на адной хвалі. У…
Чалавек сам стварае сваё наваколле. Да такой высновы аднойчы прыйшлі жыхары сціплага пяціпавярховага дома ў…
Існуе меркаванне, што Берасце – нецікавы горад, у якім няма куды схадзіць, але насамрэч гэта…
Для кожнага з нас словы “макіяж”, “фрызура”, “фотаздымкі” значаць нешта сваё. Для некага гэта частка…
