Студыя «Напротив» паказала інтэрактыўны спектакль для дзяцей ад двух гадоў.
У глядзельнай зале дзіцячага цэнтра «МалМала» ў Берасці перад спектаклем пастаянна ішоў рух. Гледачам «ад двух і старэйшым…» дазволілі раскладваць «глядацкія крэслы» па ўласным жаданні, і малыя цягалі падушкі з месца на месца бліжэй да Капітана. Усім хацелася прымасціцца прама каля ног прыгожага і жыццярадаснага чалавека. Менавіта Капітан прызначыў усіх гледачоў матросамі і павёў з сабой у займальнае падарожжа.
У Капітана былі два памочніка – Галка і Чайка, але яны не ішлі ў параўнанне з калектывам матросаў. Калі ў рукі марской каманды патрапіла бутэлька з цыдулкай, у якой гаварылася аб схаваных скарбах, прачытаць яе змог толькі юны матрос Васіль са складу гледачоў. Так усе даведаліся, што куфар са скарбамі схаваны за сіняй сеткай, якую ўгадала матрос з рэдкім імем Адэліна.
Спектакль студыі «Напротив» – лёгкі, маляўнічы, вясёлы – напоўнены мноствам навучальных элементаў. Трохі фізкультуры: калі Капітан камандуе «Лева руля!», «Нос!», «Гарматнае ядро!», рабіць практыкаванні значна цікавей, чым павароты «направа-налева». Або успамінаць назвы марскіх рыб, без якіх не можа быць працягу гісторыі. А ўжо казка пра рудую котку змагла навучыць адразу двум рэчам: ніколі не трэба слухаць дурных людзей і смешна скакаць вышэй за галаву. Прынамсі, такія высновы зрабілі матросы.
Узнагародай артыстам, мабыць, стала фраза трохгадовага Віці: «Мама, а Капітан яшчэ нас пакліча?»
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…
Ці падабаецца вам свой голас? Адказ на гэтае пытанне не бывае адназначным. Але голас –…