АРР “Дзедзіч” запрашае берасцейцаў прыняць удзел у конкурсе на стварэнне святочнай паштоўкі “З Днём горада!”.
Конкурс праводзіцца ў межах кампаніі “Наша мова”, накіраванай на папулярызацыю беларускай мовы і культуры сярод моладзі.
Да ўдзелу запрашаюцца ўсе жадаючыя: не толькі прафесійныя дызайнеры і мастакі, але і простыя гараджане, якія любяць свой горад, тварыць і ствараць прыгожае. Паштоўкі можна рабіць як на кампутары, так і маляваць ад рукі, выкарыстоўваць фатаграфіі, складаць калажы або ўжываць іншыя тэхнікі — конкурсныя працы прымаюцца ў любым фармаце. Гатовы макет трэба дасылаць па адрасе info@dzedzich.org (калі праца была створана не ў электронным варыянце — адсканаваць). Галоўная ўмова: сюжэт будучай паштоўкі павінен раскрываць святочную тэму (996 гадоў Брэсту) і дапаўняцца надпісам на беларускай мове “З Днём горада!”.
Усе пададзеныя працы спачатку ацэніць група незалежных экспертаў, якая абярэ трох фіналістаў і выставіць іх працы на адкрытае галасаванне ў групе vk.com/nashamova. Галасаванне працягнецца два дні, 20-21 ліпеня. Макет пераможцы ўвасобіцца ў паштоўках, якія арганізатары надрукуюць спецыяльна да Дня горада і будуць раздаваць падчас свята на вуліцах Брэста, а пазней — на масавых мерапрыемствах, канцэртах. Унікальную паштоўку ўбачаць тысячы берасцейцаў!
Акрамя прызнання фіналісты таксама атрымаюць прыемныя прызы ад гуру графічнага дызайну «Важны Гусь».
Удзел у конкурсе — магчымасць прыкласці сваю руку да стварэння святочнага настрою ў любімым горадзе!
Рэгіён:
Брэст
Дэдлайн (заканчэнне прыёму заявак):
19 ліпеня 2015 года
Арганізатары:
Брэсцкае студэнцкае культурна-гістарычнае аб’яднанне “Харугва”, АРР “Дзедзіч”
Прызы:
Ад студыі “Важны Гусь” (палатняныя торбы, кнігі, нататнікі, паштоўкі).
Кантактная інфармацыя (email, сайт, сацыяльныя сеткі):
info@dzedzich.org, dzedzich.org, vk.com/nashamova
Даведка:
Кампанія «Наша мова» стартавала ў Брэсце ў 2014 годзе. Яна прыцягнула вялікую колькасць актыўных удзельнікаў у свае крэатыўныя праекты: стварэнне паштоўкі “Кахай па-беларуску”, “Берасцейскі вершнік”, конкурс “Фотамаўленне”, акцыя “Мова дзеткам” і іншыя.
У 2015 годзе кампанія працягне праводзіць цікавыя конкурсы і мерапрыемствы і тым самым прыцягваць брэсцкую моладзь да актыўнага грамадскага жыцця.
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…
Ці падабаецца вам свой голас? Адказ на гэтае пытанне не бывае адназначным. Але голас –…
Падарожжа ў новы горад заўсёды ўключае ў сябе імкненне даведацца яго гісторыю, адчуць яго душу…
