BrestStandUp арганізавалі цікавы фармат мерапрыемстваў пад назвай “Шоу гісторый”.
Такі фармат дазваляе пазнаёміцца бліжэй з гледачамі і паспрабаваць пачаткоўцам сябе ў стендапе ў больш камфортнай абстаноўцы.
На сцэну можа выйсці любы ахвотны са сваёй гісторыяй. Але самае цікавае, што разам з госцем на сцэне застаюцца два комікі -вядучыя мерапрыемства. Яны падтрымліваюць дыялог, жартуюць, і ў выніку любая гісторыя становіцца смешнай.
Гэта прасцей, чым “адкрыты мікрафон” – калі раптам разгубіўся на сцэне, ёсць на каго абаперціся.
Таму калі вам заўсёды вельмі хацелася выступіць на сцэне са сваім стэндапам, фармат “Шоу гісторый” стане выдатным стартам.
