Мастацтва супраць трывогі

Сённяшні час адрозніваецца хуткасцю, вялікай колькасцю інфармацыі, зменлівасцю і нявызначанасцю. А яшчэ трывожнасцю і хваляваннем, і не разуменнем таго, што нас чакае ў будучыні. Спраўляцца са станам турботы і перажыванняў становіцца ўсё цяжэй.

Трывога, адсутнасць лёгкасці і радасці, турботы і стрэс – гэта тое, што стала знаёмымі амаль кожнаму з нас. І гэтыя словы – трывога, страх, стрэс, дэпрэсія сталі гучаць так часта, што ідэя праекту прыйшла сама сабой. Было і цікава і вельмі істотна разабрацца з тым, што гэта такое “трывога”, як з ёй спраўляцца і ці магчыма гэта ўвогуле.

Мэта праекта – у павышэнні ведаў і карыстанне метадамі арт-тэрапіі.

Аўтарка праекту, псіхолаг Ірына Дац, ведае не толькі, што гэта такое, але і што з гэтым рабіць. Шмат часу пайшло на падрыхтоўку да тэмы. І таму, што хацелася данесці інфармацыю якасна і даступна для аўдыторыі. І дзеля таго, каб удзельнікі сустрэч дзяліліся сваім досведам таго, як яны спраўляюцца з трывогай.

Варта адзначыць, што на першую лекцыю сабралася аўдыторыя, якой сапраўды было актуальна зразумець прычыны трывогі, і даведацца пра метады барацьбы з ёю. Прыемна было чуць пазітыўныя водгукі і словы аб тым, што лекцыя была карыснай і дапамагла спраўляцца са складанымі момантамі жыцця. А яшчэ фідбэк пацвердзіў і ўпэўніў у тым, што тэма актуальная і людзям гэта цікава і важна.

Зусім нядаўна прайшла арт-тэрапеўтычны майстар-клас з метафарычнымі асацыятыўнымі картамі. Гэта вельмі цікавы і незвычайны фармат. Праца з метафарычнымі карткамі паглыбляе гэты працэс. Кожны ўдзельнік спрабуе знайсці адказы на асабістыя запыты ўнутры. Гэта вельмі важныя і глыбокая праца. А потым удзельнікі сустрэчы малявалі тое, што адчувалі. Нехта маляваў трывогу і сум, а нехта тое, што дапамагае спраўляцца і ўздымае настрой. Дзве дзяўчыны нават плакалі. Але гэта і ёсць арт-праца. Усе без выключэння ўдзельнікі адзначылі, што было вельмі ўтульна і шчыра.