Калі паглядзець на яе працы, то здаецца, што яна ўмее ўсё: і амаль жывыя малюнкі, і ўпрыгожванні з дрэва, і нават лялькі з падабенствам да сваіх герояў. І кожная з яе прац дыхае жывым агеньчыкам, а сама Вольга ўкладае ў кожны свой маленькі шэдэўр сваю пяшчоту і дабрыню.
Мара ў Вольгі незвычайная: стварыць нешта ўнікальнае для дзяцей нашага горада. А лепш нават усёй краіны!
Вольга – таленавітая ілюстратарка. А з не меньш таленавітай дзіцячай пісьменніцай Надзеяй Ясмінскай, яна была знаёма даўно. Калісьці Вольга ілюстравала яе кніжку “Мурмурзік“. Прынамсі Вольга прапанавала ёй ідэю напісання і выдання казкі для дзяцей на беларускай мове і супрацоўніцтва пачалося. У Надзеі на прыкмеце ўжо была «вольная» казка, якая ўпрыканцы з’явілася пад назвай “Надзвычайны дзень народзінаў“.
Пасля вёрсткі і друку кнігу можна будзе пабачыць у кавярнях Берасця. Любая маці зможа прачытаць гэту добрую казку свайму дзіцяці.
Больш таго, аматары з “Кніжнага Возу” – сэрвіса па агучцы беларускіх дзіцячых кніг – лёгка пагадзіліся запісаць і агучыць гэтую кнігу. А пазней – анансаваць яе на сайце і ў сацсетках. Цяпер кнігу можна не толькі прачытаць фізічна ў Берасці, але і паслухаць яе з любой кропкі свету!
Вольга не проста мастачка-акварэлістка. Яе працы ўжо можна пабачыць у музеях горада. Час ад часу яна дае майстар-класы для берасцейцаў. А яшчэ прымала ўдзел у праекце “ЖыШы” у якасці эксперта, дзе ўдзельнікі вучыліся пісьменніцкаму і ілюстратарскаму майстэрству. Пад кіраўніцтвам Волі людзі вучыліся ілюстраваць дзіцячыя казкі.
Планаў на будучыню шмат. Маляваць, ілюстраваць, ствараць! І рэалізоўваць самыя смелыя свае фантазіі, вядома!
Спампаваць і прачытаць казку ў фармаце PDF можна тут.
Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…