Стыпендыі прадстаўляюцца на навучанне на базавых універсітэцкіх курсах (бакалаўрыят), ці для студэнтаў, якія ўжо скончылі ВНУ ў сваёй роднай краіне на навучанне па магістэрскай ступені.
Запрашаюцца выпускнікі школ, бакалаўры, магістры.
Дапамога аказваецца ў асноўным студэнтам, якія жадаюць навучацца ў галінах тэхналогіі, прыродазнаўчых навук, эканомікі.
Стыпендыі прысуджаюцца на навучанне ў Аўстрыі, стыпендыяты павінны атрымаць універсітэцкую ступень ў Аўстрыі. Стыпендыі не выдзяляюцца студэнтам, якія ўжо навучаюцца ў Аўстрыі.
Стыпендыя выдзяляецца тэрмінам да 4 год ці на мінімальную працягласць навучання, кожны раз на 1 год. Падаўжэнне атрымання стыпендыі залежыць ад дасягненняў студэнта.
Стыпендыя уключае: аплату за навучанне, пакрыцце выдаткаў на пражыванне і падручнікі да 12 000 еўра на акадэмічны год. Пры неабходнасці дадаткова выдзяляецца падарожны грант да 1 000 еўра на год.
Стыпендыятам акажуць падтрымку і дапамогу ў атрыманні візы, страхоўкі, моўных курсаў і пошуку жылля.
Кожны год выдзяляецца ад 10 да 14 стыпендый.
Патрабаванні да кандыдатаў:
Кандыдаты павінны быць грамадзянамі афрыканскіх, азіяцкіх краін, ці краін цэнтральнай і усходняй Еўропы, хто:
– мае права на паступленне ў Аўстрыйскі універсітэт, ці ўніверсітэт ў сваёй роднай краіне;
– цікавіцца магчымасцю навучання ў Аўстрыйскім універсітэце ці тэхнічным каледжы;
– не старэйшы за 23 гады (на час дэдлайну падачы заяўкі)
Усе дакументы на суісканне стыпендыі павінны быць атрыманы у офісе “Аўстрыйскай прыватнай фундацыі Мондзі” да 31 мая 2012.
Каб атрымаць стыпендыю неабходна даслаць у адрас фундацыі наступныя дакументы:
– форму заяўкі
– рэзюмэ
– матывацыйны ліст
– выпіску аб адзнаках
– апісанне мэты даследвання
– два рэкамендацыйных ліста ад выкладчыка ці працадаўцы
– усе дакументы павінны быць на англійскай ці нямецкай мовах.
Больш інфармацыі : тут
Mondi
