АРР “Дзедзіч” запрашае маладых людзей з усіх рэгіёнаў Беларусі да ўдзелу ў добраахвотніцкім летніку “Залессе – 2014”, які пройдзе ў вёсцы Залессе Камянецкага раёна з 21 па 26 ліпеня.
Восенню 2008 года ў гэтай вёсцы намаганнямі сяброў “Дзедзіча” быў знойдзены і выкуплены прыгожы дом 1931 года пабудовы. Ужо 5 гадоў паступова, але мэтанакіравана вядуцца будаўнічыя працы па стварэнні грамадскага асяродка для адукацыйных, культурных, спартыўных і экалагічных імпрэз, летнікаў, семінараў, канферэнцый, музычных фэстаў, у якіх будзе браць удзел моладзь з Беларусі і іншых краін Еўропы.
Еўрапейскі дом мы можам пабудаваць разам!!!
Актыўных і пазітыўных маладых людзей з усіх рэгіёнаў Беларусі запрашаем далучыцца да працы ў летніку, каб стаць надалей ганаровымі і заўсёды жаданымі гасцямі “Еўрапейскага дому”.
Як усё будзе адбывацца?
З 21 ліпеня пачынае працу намётавы гарадок вакол аб’екта рэканструкцыйна-будаўнічых прац. Але паколькі дом знаходзіцца ўжо ў досыць высокай ступені гатоўнасці, ахвотныя могуць размясціцца ў самім доме.
Летнік “Залессе-2014” гэта:
- – працы на аб’екце 4 гадзіны ў дзень (гл. распарадак дня);
- – сустрэчы з вядомымі творчымі асобамі;
- – канцэрты беларускіх музыкаў;
- – вандроўка ў Воўчын (радзіма апошняга караля Рэчы Паспалітай са старажытным Троіцкім касцёлам);
- – экскурсія на памежную заставу;
- – файер-шоў;
- – вечаровы Open Air;
- – дэбаты;
- – прыемныя размовы і летнія раманы )))
Каб патрапіць на летнік, трэба:
- быць авантурным, прыемным, разумным, крэатыўным і вясёлым чалавекам;
- запоўніць анкету-заяўку і даслаць яе на адрас: [email protected] да 15 ліпеня;
- прыехаць;
- і застацца ў ганаровай кнізе сябрам “Дома еўрапейскіх сустрэч” назаўжды!!!
Арганізатары летніка забяспечваюць:
- – праезд з Берасця і назад;
- – размяшчэнне (у намётах або ў доме);
- – харчаванне.
Пытанні і анкеты-заяўкі прымаюцца да 15 ліпеня на электронную скрыню: [email protected].
Тэлефоны для дадатковай інфармацыі: 8(029)724-21-16, 8(029)660-57-41 (Дзмітрый).
Паглядзець фота з папярэдніх летнікаў: тут , тут і тут і тут. Фоткі з апошніх летнікаў можна паглядзець у альбомах Укантакце: тут і тут.
Спампаваць анкету-заяўку на ўдзел у летніку: тут.
Спампаваць распарадак дня: тут.
Спампаваць правілы ўдзелу ў летніку: тут.
Перайсці да мерапрыемства “Укантакце”: тут.
Відэафільм пра Дом Еўрапейскіх сустрэч, зняты ў 2013г. супрацоўнікамі Артсядзібы:
Відэафільм пра АРР “Дзедзіч” на тэлеканале “Белсат” расказвае ў тым ліку і пра Дом еўрапейскіх сустрэч:
А тут можна паглядзець home-відэа з летніка “Залессе-2011”, каб адчуць яго атмасферу:
Удзельнікі летніка Залессе-2012:
