Трохдзённы рэтрыт. Да не проста рэтрыт і не для каго-небудзь, а для таленавітых, маладых, актыўных валанцёраў. Гэта шэраг майстар-класаў, калі нешта мажліва зрабіць сваімі рукамі, а яшчэ сустрэчы для камунікацыі і адпачынку, для знаёмстваў і генерацыі новых цікавых мажлівасцей.
Ідэя прыйшла толькі таму, што Ліза сама актыўна валанцёрыць доўгія годы і час ад часу хочацца зрабіць паўзу і адпачыць. Калі чалавек вядзе вельмі актыўнае жыццё, удзельнічае ў розных гуртках ці суполках, валанцёрыць, яму вельмі трэба добра адпачыць, перазагрузіцца, зрабіць нешта сваімі рукамі і лепш у суполцы сяброў. А самы зручны час для такога праекту – час перад Раством і Калядамі.
Акрамя таго, што валанцёрам трэба і адпачыць і зрабіць нейкую перазагрузку, гэта яшчэ і шыкоўная магчымасць стварыць суполку і кам’юніці.
Падчас рэтрыту мы правялі тры цікавых творчых майстар-класа:
Сталярная майстэрня і каворкінг Вжух дапамагла са стварэннем вырабаў з дрэва. Сямейная майстэрня мастакоў Рабавых і вырабы з гліны.
Майстар-клас па пляценню вянкоў з піхты – самы чароўны святочны майстар-клас чакаў падчас каталіцкага расства.
У кожным майстар-класе прынялі ўдзел 10 валанцёраў. “І – смяецца Ліза – ніхто з іх пры працы са сталярнымі інструментамі ці пры працы на ганчарным крузе не пацярпеў”.
На першым майстар-класе ў каворкінге “Вжух” рабілі па жаданню падсвечнікі ці дошкі для сыру. У майстэрні ёсць вялікая колькасць брускоў з дуба і ясеня, якія магчыма было абраць для свайго твору. Прыйшлося папрацаваць і са стамескамі, і кіянкамі, і шмат яшчэ чым. Кожны ўдзельнік атрымаў не толькі зроблены сваімі рукамі выраб, але і шмат новых сяброў і добры настрой. Праца з жывым матэрыялам спрыяе і адпачынку, і настрою.
На другім майстар-класе, які праводзіла сямейная майстэрня Рабавых, рабілі піялы, ці філіжанкі, ці дамкі для падсвечнікаў. Праца на ганчарным крузе – гэта сама па сабе асалода і вельмі файны рэлакс-антыстрэс. Гэта як асобная і вельмі якасная медытатыўная практыка. А тут яшчэ пасля майстар-класу на руках засталіся і вырабы, і шэраг добрых знаёмстваў.
Апошняя сустрэча вельмі сімвалічна адбылася як раз на каталіцкае Раство, 25 снежня. Група рабіла вянкі з піхты і дэкаравала іх выключна натуральнымі ўпрыгожаннямі, апельсінамі ці арэхамі. Тут трэба было падключыць усю сваю фантазію і крэатыў. І ўдзельнікі справіліся з заданнем і стварылі цудоўныя святочныя вянкі.
