20 лістапада на беларуска-польскай мяжы ўведзены ў эксплуатацыю першы пускавы комплекс грузавога тэрмінала “Казловічы-2”.
Ва ўрачыстай цырымоніі адкрыцця новага тэрміналу ўзялі ўдзел кіраўнік прадстаўніцтва Еўрапейскай камісіі ва Украіне і Беларусі Жазэ Мануэль Пінту Тэйшэйра, Дзяржаўнага мытнага камітэта Беларусі Аляксандр Шпілеўскі, старшыня Дзяржаўнага пагранічнага камітэта Беларусі Ігар Рачкоўскі, кіраўнікі мытных адміністрацый Расіі, Казахстана, Кыргызстана, Таджыкістана, прадстаўнікі Мытнай службы Польшчы, а таксама выканаўчай улады Брэсцкай вобласці.
“Я рады тым пераменам, якія адбыліся ў гэтым пункце пропуску. Я ўпэўнены, што адкрыццё гэтага комплексу будзе садзейнічаць супрацоўніцтву Беларусі з краінамі Еўрасаюза”, — сказаў на цырымоніі адкрыцця комплексу Жазэ Мануэль Пінту Тэйшэйра.
Будаўніцтва першага пускавога комплексу грузавога тэрміналу “Казловічы-2” у межах праграмы ТАСІС пачалося ў 2005 годзе. На гэтыя мэты Еўракамісія выдзеліла 14 млн. еўра. Генеральным падрадчыкам будаўніцтва выступіла польская фірма “Будымекс”.
Да 2008 года былі ўзведзены галоўны будынак, інжынерныя сеткі і збудаванні, будынак кіналагічнай службы.
У 2009 годзе завершана будаўніцтва ўсіх аб’ектаў першага пускавога комплексу. Гатовы да ўводу ў эксплуатацыю галоўны корпус, пад’язныя шляхі і пляцоўкі. Завершаны мантаж і наладка камп’ютэрнай сеткі, сувязі і міні-АТС, сістэмы радыяцыйнага кантролю. Генпадраднай будаўнічай арганізацыяй на гэтым этапе з’яўлялася ААТ “Будаўнічы трэст № 8”.
У 2009 годзе будаўніцтва тэрмінала фінансавалася за кошт бюджэтных сродкаў Беларусі (12,6 млрд. руб.).
У выніку рэалізацыі дадзенага праекта магутнасць тэрмінала ўзрасце ў два разы і складзе 4 тыс. грузавых транспартных сродкаў у суткі ў абодва напрамкі. Гэта адпавядае прапускной здольнасці тэрмінала “Карошчын” на польскім баку. З адкрыццём новага тэрмінала “Казловічы” стаў найбуйнейшым пунктам мытнага афармлення на заходняй беларускай мяжы.
Ларыса Шыганава, БелаПАН.
Фота БЕЛТА.
Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…