4 верасня моладзевая ініцыятыва “Аазіс” пры падтрымцы “Дзедзіча” арганізавала роварны прабег пад назвай “За Вела-Брэст”.
Больш за 30 прыхільнікаў роварнага транспарту рушылі ад Берасцейскай крэпасці па цэнтральных вуліцах Берасця. Па дарозе ўдзельнікі акцыі спыняліся на прыпынках грамадскага транспарту, аўтамабільных паркоўках і ў іншых людных месцах, распавядалі берасцейцам пра перавагі роварнага транспарту, пра экалагічныя праблемы Берасця і збіралі подпісы пад зваротам да мясцовых уладаў.
Кампанія “За Вела-Брэст”, ініцыяваная “Аазісам” на пачатку лета, накіравана на паляпшэння ўмоў для роварнага руху ў Берасці: стварэнне безбар’ернага асяроддзя для перасоўвання па роварных сцежках, уладкаванне парковак каля грамадскіх устаноў і арганізацый, стварэнне новых роварных сцяжынак, якія б злучалі паміж сабой усе раёны Берасця. Маладыя актывісты ўжо стварылі і распаўсюдзілі інфармацыйны буклет пра праблемы роварнага руху ў Берасці і пачалі збор подпісаў пад зваротам да мясцовых уладаў з патрабаваннем вырашэння пералічаных праблем. Удзельнікамі суполкі “За Вела-Брэст” у папулярнай сацыяльнай сетцы “У кантакце” сталі 323 берасцейцы. Актыўны ўдзел у кампаніі бяруць члены ГА «Спартыўна-турыстычны клуб «Кола-БОК».
За паўтары гадзіны роварнага прабегу актывісты кампаніі “За Вела-Брэст” здолелі сабраць больш за 700 подпісаў у падтрымку сваіх патрабаванняў. Калі колькасць падпісаўшых зварот берасцейцаў дасягне 1000 (у сярэдзіне наступнага тыдня), зварот з сабранымі подпісамі будзе перададзены ў берасцейскі гарвыканкам. Пасля атрымання адказу ад гарадскіх уладаў арганізатары абяцаюць апублікаваць яго ў мясцовых СМІ і на сайце Дзедзіча.
Пасля заканчэння прабега яго ўдзельнікі сабраліся на беразе Мухаўца каб у нефармальнай абстаноўцы вакол вогнішча і барбекю абмеркаваць іншыя крокі па вырашэнні агучаных праблем і далейшай папулярызацыі роварнага руху ў Берасці.
Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…
View Comments
Ну вот... А я на нём не побывала, потому что у меня не было велосипеда..=(