Самая прыемная абарона ад стрэсу… І гэта не проста словы, а навуковы факт! Ферменты, якія вылучаюцца пры пацалунках, перашкаджаюць з’яўленню гармонаў стрэсу – глюкакартыкоідаў (яны выпрацоўваюцца наднырачнікамі).
Калі іх становіцца вельмі шмат, павышаецца ціск, узровень халестэрыну, з’яўляецца мышачная слабасць, парушаецца баланс інсуліну і пачынаецца бяссонніца.
А яшчэ пацалункі ўзмацняюць вылучэнне адрэналіну, што павышае агульную і псіхічную актыўнасць.
Псіхолагі з Берлінскага універсітэту пад кіраўніцтвам Ларса Хагена навуковым шляхам падлічылі, што тры 20-секундных пацалункі раніцай здольныя стварыць рамантычны настрой на ўвесь дзень.
Доўгі пацалунак здольны спыніць прыступ вегетасасудзістай дыстаніі (зноў жа дзякуючы нармалізацыі гарманальнага фону). Нашы вусны ў сотні разоў больш адчувальныя за кончыкі пальцаў.
Пацалунак прыводзіць ў дзеянне ажно 34 цягліцы (у тым ліку 12 вакол вуснаў і 17 на языку) і выклікае выкід у кроў гармонаў шчасця – эндарфінаў.
Калі мы цалуемся, скура ружавее і становіцца цяплейшай.
З-за раптоўнага прыліву крыві вусны наліваюцца ды чырванеюць. Менавіта па гэтай прычыне памада яркіх колераў узмацняе эратычную прывабнасць.
Гарачы пацалунак здольны ўзмацніць частату пульса да 150 удараў за хвіліну – гэта стымулюе крываток і насычэнне кіслародам клетак мозга. А гэта робіць разумовыя працэсы хутчэйшымі, дапамагае лепей сканцэнтравацца і паляпшае кароткачасовую памяць (яна адказвае за запамінанне інфармацыі). Так што, цалуйце сваіх каханых раніцай доўга і далікатна!
У нашай сліне пражывае агромністая колькасць бактэрый. Прычым 80% з іх аднолькавыя ва ўсіх людзей, а 20% індывідуальныя. Дык вось, калі пры пацалунку чужыя бактэрыі трапляюць да нас, наша абарончая сістэма прыходзіць у баявую гатоўнасць, запускаецца працэс з’яўлення антыцелаў. Гэта дае моцны штуршок імунітэту.
Стаматолагі лічаць, што рэгулярныя і працяглыя пацалункі – цудоўная прафілактыка карыесу. Справа ў тым, што наша сліна багатая на злучэнні кальцыю і фосфару, а таксама прыроднымі антыбіётыкамі. Пры пацалунках яна не застойваецца, працэс яе выпрацоўкі ідзе хутчэй, суадносна, усе карысныя рэчывы дзейнічаюць больш актыўна.
Таму цалуйцеся на здароўе!
Зміцер ПАПКО
Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…