21 сакавіка Еўразвяз пашырыў спіс асобаў, якім забаронены ўезд на яго тэрыторыю. Сярод іх — 6 кіраўнікоў беларускіх навучальных установаў, у тым ліку рэктар Берасцейскага дзяржаўнага універсітэта Мечыслаў Часноўскі. Цяпер агульны спіс складае 175 чалавек.
«Неўязныя» кіраўнікі беларускіх навучальных установаў:
Рада міністраў замежных справаў краін ЕЗ прыняла рашэнне пашырыць спіс ахопленых санкцыямі грамадзян Беларусі падчас паседжання ў Брусэлі 21 сакавіка — «у сувязі з пагаршэннем у Беларусі сітуацыі з правамі чалавека».
У першую версію спісу неўязных, які быў апублікаваны праз 45 дзён пасля сканчэння прэзідэнцкай кампаніі ў Беларусі, сярод іншых дзяржаўных чыноўнікаў, сілавікоў, суддзяў і прапагандыстаў пад нумарам 84 было ўнесенае прозвішча рэктару БДУ Сяргея Абламейкі. Цяпер ў рэктара БДУ з’явілася годная кампанія.
Выглядае, што ўжыванне санкцый супраць кіраўнікоў ВНУ дамагліся самі студэнты, адлічаныя з іх, як яны лічаць, па палітычных матывах. Такім шляхам, прынамсі, пайшоў Уладзімір Кумец, былы пяцікурснік Міжнароднага гуманітарна-эканамічнага інстытута. Месяц таму ён звярнуўся да кіраўніцы еўрапейскай дыпламатыі Кэтрын Эштан з просьбай далучыць да спісу неўязных у Еўразвяз некаторых кіраўнікоў свайго інстытуту. І прозвішча рэктара Міжнароднага гуманітарна-эканамічнага інстытуту сапраўды з’явілася ў чорным спісе ЕЗ.
Рэктар БрДУ Мечыслаў Часноўскі апынуўся ў гэтым спісе, відаць, з-за выключэння студэнткі Аліны Літвінчук, якая была адлічаная з факультэта замежных моў падчас зімовай сесіі з фармулёўкай “за акадэмічную непаспяховасць”. Аліна актыўна працавала ў штабе кандыдата ў прэзідэнты Уладзіміра Някляева.
Іншы сябра спісу — рэктар БДУІРу Міхаіл Батура — праславіўся тым, што ў час выбарчай кампаніі адкрыта вымушаў студэнтаў ісці на датэрміновае галасаванне, а пасля выбараў яго ўніверсітэт стаў «чэмпіёнам» па колькасці адлічаных «за палітыку» студэнтаў.
А дырэктар палітэхнічнага каледжу Генадзь Падгайскі вядомы тым, што першым адважыўся адлічаць студэнтаў пасля Плошчы. Ахвярамі яго сталі мінімум тры ўжо былых навучэнцы каледжу.
Паводле http://generation.by
Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…
View Comments
Так Чесновскому и надо!