Беларусь уключана ў дзясятку краін свету з найгоршым станам волі прэсы. Гэта вынікае з штогадовай справаздачы пра волю прэсы амерыканскай праваабарончай арганізацыі Freedom House, паведамляе Associated Press.
Па інфармацыі агенцтва, спіс з 196 краін замыкаюць (у алфавітным парадку): Беларусь, Бірма, Іран, Куба, Лівія, Паўночная Карэя, Туркменістан, Узбекістан, Экватарыяльная Гвінея і Эрытрэя. На якім менавіта месцы знаходзіцца Беларусь, пакуль не вядома, бо спіс павінен быць афіцыйна апублікаваны крыху пазней.
“У гэтых краінах незалежныя СМІ або не існуюць, або амаль не могуць працаваць, – цытуе Associated Press. – Прэса служыць упарам улад гэтых рэгіёнаў, доступ грамадзян да непрадузятай інфармацыі вельмі абмежаваны, а іншадумства душыцца шляхам зняволення ў турму, катаванняў і іншых формаў рэпрэсій”.
Праваабаронцы таксама адзначаюць значнае зніжэнне ўзроўня волі прэсы ў Вугоршчыне, Гандурасе, Тайландзе, Турцыі, Украіне і Паўднёвай Карэі.
Спецыялiсты Freedom House сцвярджаюць, што колькасць людзей, якія валодаюць сёння доступам да вольных і незалежных СМІ ў свеце, – самае нізкае за апошнія дзесяць гадоў. У краінах з вольнай прэсай пражывае толькі адзін з шасці чалавек на планеце, гаворыцца ў дакладзе.
Дарэчы, 3 траўня адзначаецца Сусветны дзень волі друку, заснаваны Генасамблеяй ААН.
Паводле tut.by
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…
Ці падабаецца вам свой голас? Адказ на гэтае пытанне не бывае адназначным. Але голас –…
Падарожжа ў новы горад заўсёды ўключае ў сябе імкненне даведацца яго гісторыю, адчуць яго душу…
У гістарычныя часы на тэрыторыі Берасця ўзвышаўся велічны бернардзінскі манастыр, заснаваны яшчэ ў першай палове…
