Ігар Нікалаеў, выпускнік Берасцейскага тэхнічнага універсітэта, на днях атрымаў дыплом і позву ў войска. Аднак у войска ён не пойдзе.
– Маё дзіця , 11 ліпеня павінна быць у ваенкамаце. Натуральна, у Беларусі яго ўжо няма. Мы яго вывезлі адсюль. Я не хачу, каб ён паўтарыў лёс тых, каго пасадзілі на 5-6 гадоў… За тры дні ён стаў не толькі “тэрарыстам”, але ўжо і дэзерцірам – кажа Ніна Нікалаева, маці Ігара.
– 3 ліпеня на “маўклівай акцыі” сына спрабавалі затрымаць невядомыя “брытагаловыя”, але яго адбілі людзі. Дом Нікалаевых ноччу пільнавалі невядомыя. Назаўтра следчыя правялі ператрус, забралі з дома камп’ютары і ноўтбук. Суседзям сказалі, што Ігар належыць да “тэрарыстычнай секты”. Бацьку патлумачылі, што Ігара падазраюць у нападзе на нейкі будынак у Менску 15 траўня. Маўляў, “калі не быў у Менску, значыць, кіраваў на дыстанцыі праз камп’ютар” – паведаміў Аляксандр Нікалаеў, бацька Ігара.
Нагадаем, што 15 траўня невядомыя кінулі бутэльку з запальнай сумессю ў Дом правасуддзя, дзе ішлі суды па “справе 19 снежня”.
Берасцейскія праваабаронцы лічаць справу Нікалаева звычайнай помстай спецслужбаў, якім не ўдалося затрымаць хлопца 3 ліпеня.
Паводле: Еўрарадыё
Фота: nn.by
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…
Ці падабаецца вам свой голас? Адказ на гэтае пытанне не бывае адназначным. Але голас –…