“СВЯТА ДУДЫ!” – адзінае мерапрыемства ва Усходняй Еўропе, прысвечаае дудзе. І ўпершыню ў гэтым годзе дударскі фэст пройдзе адразу ў трох гарадах Беларусі, у тым ліку і ў Берасці.
Распачнецца “СВЯТА ДУДЫ!” 26 студзеня ў Менску канцэртам “ЛЕГЕНДЫ ВЯЛІКАГА КНЯСТВА – СТАРАЖЫТНАЯ ЗЯМЛЯ”, у якім прымуць удзел гурты Testamentum Terrae, Brevis, Cornucopia, Irdorath folk band, сярэднявечны Вулічны Тэатр “Шальмоўскі Тэатр Ды Грыза, Гурт гістарычнага танца “Фламея”, Бурносенка Аляксей, Школа гістарычнага танца “Залаты двор”. У праграме акрамя запланаваныя рыцарскія баі ад “Менскай Уніі “Меч і Воран”” і інш.
Працягнецца “СВЯТА ДУДЫ!” у Берасці 27 студзеня, дзе жыхры горада змогуць пазнаёміцца з такімі гуртамі як СТАРЫ ОЛЬСА і TESTAMENTUM TERRAE.
СТАРЫ ОЛЬСА – гурт сярэднявечнай беларускай музыкі, створаны ў 1999 годзе Першы склад гурта быў створаны з гомельскіх музыкаў. Назва – ад ручая ў заходняй Магілёўшчыне. У рэпертуары – беларускія народныя балады і ваярскія песні, творы беларускіх кампазітараў эпохі Рэнесанса, кампазіцыі з беларускіх зборнікаў прыдворнай музыкі, беларускія канты XVІ – XVІІ стагоддзяў, а таксама еўрапейскія папулярныя мелодыі эпохі Сярэднявечча і Рэнесанса. Музыка гурта выконваецца на максімальна магчымых копіях старадаўніх беларускіх інструментаў – дуды (валынкі), ліры, гуслі, свірэлі, сурмы, лютні, цыстры, шалмеі, рэбеку і інш.
TESTAMENTUM TERRAE (з лацінскай мовы “Запавет зямлі”) – беларускі гурт сярэднявечнай музыкі, створаны ў 2003 г., першапачаткова меў назву “TESTAMENT”. Гурт удзельнічае ў фестывалях сярэднявечнай культуры, фестывалях сярэднявечнай музыкі і музычных конкурсах, а таксама арганізуе ўласныя танцавальныя вечарыны. Гурт TESTAMENTUM TERRAE выкарыстоўвае копіі інструментаў XV- XVІІІ стст.: беларускія дуды, лютню, шалмеі, жалейкі, скрыпку, бубны, барабаны і інш.
Кошт квіткоў 30 000 рублёў. Больш падрабязную інфармацыю можна атрымаць па тэлефоне 80293139860 альбо УКантакце.
Завершыцца “СВЯТА ДУДЫ!” 28 студзеня ў Гомелі.
Канцэрт пройдзе пры фінансвай падтрымцы Праграмы малых грантаў Амбасады ЗША Этнагістарычнага цэнтра “Явар”
Нагадаем, што “Дударскі фэст” упершыню прайшоў у Менску ў 1992 годзе, а з 2006 года ён стаў штогадовым.
Фота: fleshcrawl.metallibrary.ru
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…
Ці падабаецца вам свой голас? Адказ на гэтае пытанне не бывае адназначным. Але голас –…
