Categories: Адукацыя

Беларусь працягне спробы далучыцца да Балонскага працэсу

У 2015 годзе Беларусь зноўку падасць заяўку на далучэнне да Балонскай прасторы вышэйшай адукацыі. А пакуль беларуская адукацыйная сістэма будзе інтэгравацца з расейскай і казахскай.

Міністар адукацыі Сяргей Маскевіч пацвердзіў жаданне працягнуць намаганні па далучэнню Беларусі да Балонскай сістэмы. Пры гэтым Мінадукацыі спадзяецца на «менш палітызаваны падыход» ў гэтым пытанні з боку еўрапейцаў. Пра гэта паведамляе БелаПАН.

Некалькі месяцаў таму стала вядома, што Беларусі будзе адмоўлена ў яе жаданні далучыцца да Балонскай прасторы. Прычына ў тым, што Беларусь не падзяляе і не выконвае такія прынцыпы і каштоўнасці працэсу, як акадэмічная свабода, інстытуцыйная аўтаномія і студэнцкі ўдзел у кіраванні вышэйшай адукацыяй. Наступны шанец далучыцца да прасторы Мінадукацыі атрымае ў 2015 годзе.

Аднак міністар адукацыі не лічыць патрэбным нешта змяняць у падыходзе да гэтых прынцыпаў:

«Нейкага ўплыву на нашыя рашэнні, нашую стратэгію гэта [адмова ў далучэнні да прасторы] не будзе мець», — цытуе Белсат Маскевіча.

Міністар лічыць, што і так ужо ўсё выдатна:

«Мы будзем развіваць нашу сістэму адукацыі ў адпаведнасці з абранай стратэгіяй. Яна сапраўды максімальна спалучаецца з тым, што дэкларуецца краінамі Балонскага працэсу, праграмамі развіцця еўрапейскай адукацыі».

Міністар таксама заявіў, што чакае ажыўленне інтэграцыйных працэсаў у сферы вышэйшай адукацыі на постсавецкай прасторы, што звязана з развіццём адзінай эканамічнай прасторы.

Адразу пасля абвяшчэння рашэння адмовіць Беларусі ў далучэнні да Балонскай прасторы Беларусь заявіла аб жаданні пашырыць супольныя адукацыйныя праграмы з Расеяй. У прыватнасці, праграму вышэйшай адукацыі наблізяць да расейскіх стандартаў, а школьныя праграмы будуць правярацца расейскімі спецыялістамі.

Крыніца: generation.by

Darya

Recent Posts

Праца, якую мы выбіраем

Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…

3 дні ago

Музыка Савелій – пра сябе і арганізацыю вулічнай музыкі Берасця

Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…

4 дні ago

Лекавыя травы пасяліліся ў берасцейскіх дварах

А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…

6 дней ago

Вулічны музыка Вадзім і яго вялікі рэпертуар кавераў

Вадзім – вулічны музыка з рэпертуарам больш за 1000 песень, а таксама вельмі творчы і…

1 тыдзень ago

Віктар Арабейка – патомны кінолаг

Кім яшчэ можа стаць чалавек, у якога лепшым сябрам з дзяцінства быў сабака Пілот, у…

2 тыдні ago

Доўла – прафесія дапаможцы для маці

Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…

2 тыдні ago