У нядзелю 29 ліпеня скончыўся летнік у вёсцы Залессе (Камянецкі раён), які традыцыйна праводзіць АРР “Дзедзіч”. З гэтай нагоды, мы з вамі можам падвесці новую рысу і агучыць галоўныя вынікі гэтых летніх прыгод моладзі.
Вось ужо чацвёрты год “Дзедзіч” са сваімі сябрамі і прыхільнікамі будуе “Дом еўрапейскіх сустрэч”. Галоўная мэта гэтага дома – кансалідацыя моладзі з розных гарадоў Беларусі і еўрапейскіх краін. Гэты будынак да канца яшчэ не пабудаваны, але ён ужо пачынае выконваць свае абавязкі падчас летніх сустрэч.
У гэтым годзе летнік наведалі каля 30 маладых людзей з розных гарадоў нашай Бацькаўшчыны. Хлопцы і дзяўчаты дабіраліся да Залесся з Берасця, Менску, Ганцавічаў, Гародні, Віцебску, Воршы і іншых гарадоў. Сярэдні ўзрост удзельнікаў прыкладна 20 год. У гэтым годзе большасць складалі дзяўчаты, што забяспечыла добрае і бесперабойнае харчаванне і дабрабыт у хаце. Са сваімі абавязкамі цудоўна справіліся і хлопцы.
За тыдзень будаўніцтва быў выкананы ўвесь фронт працы. Працоўны дзень валанцёраў складаў 4 гадзіны ў дзень. Атрымоўваецца, што ўся праца падчас летніка была выканана за 24 гадзіны. За гэты час ахвяраў не назіралася.
Акрамя будаўнічых прац, штодзень для валанцёраў праводзіліся культурніцкія мерапрыемствы, конкурсы, віктарыны, гульні, канцэрты і адукацыйныя мерапрыемствы.
Удзельнікі летніка кожны вечар гулялі ў розныя паходныя гульні, некаторыя з іх былі жартаўлівыя, некаторыя на ўвагу. Вялікая колькасць віктарынаў падтрымлівала інтэлектуальны ўзровень валанцёраў. Галоўнымі тэмамі былі: гісторыя, геаграфія, а на адкрыццё Алімпійскіх гульняў у Лондане, дзедзічы прысвяцілі дасягненням і гісторыі гэтай падзеі цэлы вечар.
Ніводны летнік не абыходзіўся без музыкі, танцаў і спеваў. І гэты год не стаў выключэннем. Традыцыйна, вялікі залескі ганак стаў сцэнай для камянецкага гурта “Гардероб”, які праспяваў свае лепшыя песні, якія даўно ўжо палюбіліся старажылам залескіх летнікаў.
Не забыліся арганізатары і пра адукацыйныя мерапрыемствы. У рамках гэтага летніка былі праведзены семінары “Грамадзянін і правапарадак”, лекцыя пра еўрапейскія перспектывы для беларусаў, а дзяўчына Ганна распавяла пра жыццё беларусаў у Кітае.
Падчас усяго летніка панавалі сяброўская атмасфера і добры настрой. Залескія прыгоды дапамаглі моладзі бліжэй пазнаёміцца, знайсці новых сяброў і сябровак. Валанцёры засталіся задаволеныя ўмовамі летніка і былі вельмі ўдзячны арганізатарам. Большасць паабяцала наведаць Залессе і ў наступным годзе. “Дзедзіч” у сваю чаргу, удзячны усім хто прыязджае ў “Дом еўрапейскіх сустрэч” і робіць свой унёсак у развіццё грамадзянскай справы ў нашай краіне. Мы ведаем, што ваша праца і дапамога будзе не дарэмнай.
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…
Ці падабаецца вам свой голас? Адказ на гэтае пытанне не бывае адназначным. Але голас –…
Падарожжа ў новы горад заўсёды ўключае ў сябе імкненне даведацца яго гісторыю, адчуць яго душу…
У гістарычныя часы на тэрыторыі Берасця ўзвышаўся велічны бернардзінскі манастыр, заснаваны яшчэ ў першай палове…
View Comments
А дзе фоткі, нешта не разумею?
А няма іх у мяне. Яны на ноутбуке, які не працуе.