Баранавіцкі прадпрымальнік і грамадскі актывіст Мікалай Чарнавус 6 кастрычніка збіраў на мясцовым рынку подпісы за бясплатны праезд для школьнікаў у грамадскім транспарце на кружкі і факультатывы. Нягледзячы на забарону гарвыканкамам аналагічнага пікету, збор подпісаў прайшоў бесперашкодна. Паводле Праваабарончага цэнтра “Вясна”.
– Усе ведаюць, што ў школу дзецям праезд бясплатны, а за праезд школьніка ў аўтобусе, напрыклад, у спартыўную школу ці танцавальны гурток, трэба плаціць. І для сямейнага бюджэту гэта вялікія грошы, лепш бы дзеці булачкі з’елі на іх, – адзначыў Мікалай Чарнавус.
– Вось за бясплатны праезд дзяцей мы і правялі такую акцыю, сабраўшы каля трохсот подпісаў.
Па словах ініцыятара акцыі, гэтыя подпісы будуць дасланыя ў Савет Міністраў, Брэсцкі аблвыканкам і Баранавіцкі гарвыканкам з просьбай аб вырашэнні пытання.
Адначасова са зборам подпісаў Мікалай Чарнавус каля свайго гандлёвага месца зладзіў дабрачынны абед. Мінакі і прадпрымальнікі з задавальненнем частаваліся гарачай пярлоўкай з мясам і грыбамі.
Нагадаем, што грамадскі актывіст планаваў збіраць подпісы на пікеце 7 кастрычніка, але гарадскія ўлады не далі дазволу на пікет. Нягледзячы на гэта, дабрачынны абед і збор подпісаў прайшлі без перашкодаў і затрыманняў. Збор подпісаў, дарэчы, працягваецца.
Крыніца: spring96.org
Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…