Вулічны выступ тэатра са спектаклем-парадам “Малефіцыум” мусіў адбыцца 3 мая падчас фестываля асаблівых тэатраў “Непратаптаны шлях”, што зараз ладзіцца ў Брэсце. Паводле Праваабарончага цэнтра “Вясна”
Гэты фестываль адбываецца штогод, і ў ім бяруць удзел дзеці з псіха-фізічнымі асаблівасцямі развіцця. Калектыў “Крылаў халопа” збіраўся правесці майстар-класы для гэтых самадзейных артыстаў, а пасля прайсціся разам з імі па цэнтральных вуліцах горада.
Аднак за некалькі дзён да выступу з’явіліся звесткі, што арганізатары імпрэзы – грамадскае аб’яднанне “Інвалід і асяроддзе” выключылі спектакль з праграмы фестываля. Прычым зрабілі гэта пасля таго, як пра вулічны выступ даведаліся чыноўнікі з аддзела ідэалагічнай работы, культуры і па справах моладзі Брэсцкага гарвыканкама.
Прадстаўнікі незалежнага тэатра “Крылы халопа” упэўненыя, што менавіта гарадскія улады спрычыніліся да забароны спектаклю, нават нягледзячы на тое, што раней “Малефіцыум” ужо можна было ўбачыць ў Брэсце: напрыклад, у 2007-м годзе гэты спектакль дэманстраваўся ў межах міжнароднага тэатральнага фестываля “Белая вежа”. Але справа ў тым, што з нядаўняга часу выступы тэатра “Крылы халопа” лічацца “непажаданымі”: на пачатку сакавіка падводле сумнеўных прычынаў быў адменены дакументальны спектакль пра Чарнобыль, нібыта з-за рамонту ў Цэнтры культуры і адпачынку ў брэсцкім мікрараёне Паўднёвы.
Фота teatrkh.com
Крыніца: spring96.org
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…
Ці падабаецца вам свой голас? Адказ на гэтае пытанне не бывае адназначным. Але голас –…
