У межах кампаніі “Наша мова” пачынаецца чарговы конкурс. На гэты раз берасцейцаў чакае фотаконкурс “Фотамаўленне”. Усё што патрэбна ўдзельнікам – гэта апарат, які робіць любой якасці фотаздымкі і ўвага з назіральнасцю.
Конкурс накіраваны на усіх берасцейцаў, якія могуць і жадаюць здымаць усё, што звязана з беларускай мовай. Ніякіх абмежаванняў.
У фотаконкурсе будзе 2 намінацыі, па якіх будуць адбірацца працы і вызначацца пераможцы:
Першая намінацыя – “Мова якой ганаруся”
Умовы: фотаздымкі рэкламы, аб’яў, тэкстаў, назваў прадуктаў, прац на беларускай мове. І самае галоўнае, Вы ганарыцеся гэтымі назвамі, таму што яны на роднай мове і вучаць быць бліжэй да роднага.
Другая намінацыя – “Беларуская бязглуздзіца”
Умовы: фотаздымкі з памылкамі ў выкарыстанні беларускіх слоў: няправільны пераклад, трасянка ў тэксце. Напрыклад, недарэчныя назвы вуліц, назвы прадуктаў у крамах (крама “Марцін”, напрыклад), на беларускіх білбордах і г.д.
Удзельнікі конкурсу павінны даслаць фотаздымкі на электронны адрас: harugvabrest@gmail.com.
Працы на фотаконкурс прымаюцца да 14 траўня (да 23-59).
Лепшы фотаздымак у кожнай з намінацыяў, як і ў папярэдніх конкурсах, вызначаць берасцейцы з дапамогай адкрытага інтэрнэт-галасавання ў суполцы “Наша мова”. Акрамя гэтага, журы з прафесійных фатографаў дадаткова вызначыць па адным пераможцы ў кожнай з намінацыяў.
Падказка: усе, хто можа, рыхтуюцца да чэмпіяната міра па хакеі, вакол шмат нагодаў для фотаздымкаў па гэтай тэматыцы.
Пераможцы атрымаюць прызы – MP3-плэеры ад кампаніі “Наша мова”.
Наперад, фатографы!
З.Ы. Арганізатары маюць права зняць з галасавання прысланую на конкурс працу, калі падчас галасавання за яе будуць выкарыстоўвацца сістэмы АЎТАМАТЫЧНАЙ накруткі лайкаў і рэпостаў.
Прэс-служба АРР “Дзедзіч”
Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…