Ад імя жыхароў Усходняга мікрараёна старшыня Брэсцкай гарадской арганізацыі БСДП (Грамада) Ганна Канюс звярнулася са скаргай у аблвынканкам, каб гэтая установа прымусіла гарадскія ўлады Брэста выконваць свае абавязкі па добраўпарадкаванні і рамонту вуліц. Паводле Праваабарончага цэнтра “Вясна”
У прыватнасці, скарга тычыцца сітуацыі на тэрыторыі, што знаходзіцца побач з будынкам сярэдняй школы № 10. Раней мясцовыя жыхары ўжо звярталіся у Брэсцкі гарвыканкам і абласную Дзяржаўтаінспекцыю з нагоды гаротнага стану размешчанай тут вуліцы. У атрыманых адказах улады пагаджаліся, што дарожнае пакрыццё мае шматлікія дэфекты, аднак не здолелі дакладна паведміць, калі становішча будзе выпраўлена. Больш таго, чыноўнікі адказвалі, што для капітальнага рамонту дарогі грошай у бюджэце няма, ды і сама вуліца “нічыйная”, бо не мае канкрэтнага гаспадара. У выніку за чатыры месяцы, што прайшлі пасля звароту ў гарвыканкам, дарогу так і не прывялі да ладу: на ёй не быў зроблены нават абяцаны ўладамі ямачны рамонт.
У скарзе, накіраванай кіраўніцтву абласной выканаўчай “вертыкалі”, гаворыцца, што мясцовыя ўлады фактычна прадэманстравалі сваю поўную няздольнасць, каб выправіць сітуацыю, пакараць і прыцягнуць да адказнасці тых, хто вінаваты ў такім жудасным стане дарогі. Замест гэтага гарвыканкам вырашыў закрыць рух транспартных сродкаў на згаданым участку вуліцы, хоць жыхары мікрараёна з такой просьбай не звярталіся.
Крыніца: spring96.org
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…
Ці падабаецца вам свой голас? Адказ на гэтае пытанне не бывае адназначным. Але голас –…
