Гродзенскае прадпрыемства “Молочный мир” стала выпускаць сваю прадукцыю з сімволікай праўладнай арганізацыі “Белая Русь”. Паводле Праваабарончага цэнтра “Вясна”
На бутэльках і пакетах з кефірам і малаком можна пабачыць сімволіку гэтай арганізацыі.
Наколькі такая рэклама знаходзіцца ў межах закона, імкнуцца высветліць зараз гродзенскія праваабаронцы, якія накіравалі адмысловы ліст кіраўніцтву прадпрыемства. Адкрытае акцыянернае таварыства “Молочный мир” з лютага 2012 году ўзначальвае Марына Анікеева, член Савету Рэспублікі Беларусь чацвёртага склікання, якая патрапіла туды чамусьці не ад Гродзенскай вобласці, у якой працуе шмат гадоў, а ад Брэсцкай.
Крыніца: spring96.org