Вучыць мову ў асяродку, у краіне дзе ўсе на ёй размаўляюць, – вельмі добрая практыка. Але як выкарыстаць час, які вы можаце правесці не дома з максімальным вынікам? Прапануем 5 найхутчэйшых варыянтаў, у парадку змяншэння эфектыўнасці. Праверана на ўласным досведзе еўрапейскага валанцёра.
1. Закахацца Fall in love
Зразумела, у мясцовага (мясцовую). Няма ў свеце лепшай матывацыі за тую, каб вывучаць мову для паразумення сваёй паловінкі, і ўразіць яго/яе неверагоднымі ведамі мовы.
УВАГА! Бойфрэнд-англічанін і бойфрэнд-беларус з ін’яза – не тое самае.
2. Пасябраваць
Калі першы пункт не падыходзіць па той ці іншай прычыне, хаця б знайдзі мясцовых сяброў. Тусуйся з імі і прасі іх размаўляць на сваёй мове з табой, тлумачыць невядомыя словы. Можаш скарыстаць Couchsurfing каб сустрэць новых людзей. Супер бонус: пастарайся, каб цябе запрасілі ў сям’ю і імкніся размаўляць з бацькамі ці старымі, якія не ведаюць іншай мовы.
УВАГА!: Спадзявайся, што сябры будуць выпраўляць твае памылкі і не смяяцца з твайго смешнага вымаўлення. Калі што, хай яны скажуць “у нескладовае”.
3. Падарожнічай
Калі гэта мажліва, паедзь аўтаспынам (гэта да таго ж і танней). У любым выпадку, старайся размаўляць са спадарожнікамі, суседзямі, кіроўцамі. Імкніся разгадаць паходжанні назваў гарадоў і мястэчак.
УВАГА!: Couchsurfingу дадзеным выпадку будзе супербонусам, ты не толькі сустрэнеш новых людзей, але і вывучыш штосьці новае, пабачыўшы іх лад жыцця.
4. Слухай і спявай
Адшукай крутых мясцовых спевакоў, слухай, перакладай тэксты песень, падпявай (калі граеш на якім інструменце – нават лепей, але нават і спевы ў душы зробяць сваю справу).
УВАГА!: Вялікі бонус – вывучыш вымаўленне і інтанацыю. (Мой падлеткавы фанатызм па Аўрыл Лавін выліўся мне ў канадскі акцэнт:-).
5. Падхоплівай мову заўжды і паўсюль
У любым выпадку, усё залежыць ад тваёй матывацыі. Будзь уважлівы на 200%: імкніся зразумець пісьмовыя знакі і інструкцыі на рэчах, знайсці падабенсты з іншымі вядомымі табе мовамі, гуглтранслэйт, практыкуйся на моўных сайтах, глядзі кіно і серыялы калі не на мове, то з субтытрамі, знайдзі партнера для моўнага тандэму.
УВАГА!: Будзь асцярожным і не пераходзь мяжу паміж уважлівасцю і зануднасцю.
Поспехаў у вывучэнні моў!
Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…
