Бясплатная лекцыя “Гарадская мабільнасць: больш чым перасоўванне ў прасторы”

У рамках праекта “Ёсць размова” АРР “Дзедіч” запрашае на сустрэчу з урбаністам Дзмітрыем Бібікавым.

Што такое гарадская мабільнасць і чаму спатрэбілася прыдумаць менавіта гэтае слова? Чаму для сучаснага горада важна размова аб праблеме мабільнасці, у тым ліку і сярод гараджан? Як мабільнасць звязана з якасцю жыцця ў горадзе?

Адказы на гэтыя пытанні можна атрымаць на бясплатнай лекцыі, якая пачнецца 8 лістапада ў 17:00.

Якім можа апынуцца Берасце ў будучым – праблемы, патэнцыял, месца гараджан.

Усе гэтыя і многія іншыя пытанні і праблемы разглядаюцца ў рамках гарадской мабільнасці.

Гутарка аб мабільнасці звязана са зменай патрабаванняў, што прад’яўляюцца да якасці жыцця ў гарадах і павышэнню ўзроўню ўдзелу жыхароў у іх развіцці. Мабільнасць больш чым транспарт – гаворка пра здольнасці горада не толькі перамяшчаць гараджан хутка і эфектыўна, але і рабіць гэта не пагаршаючы якасць гарадскога асяроддзя, з мінімальнымі наступствамі для экалогі і прытым такім чынам, каб магчымасцю свабодна перамяшчацца па горадзе валодалі людзі самых розных узростаў і дастатку.

Падрабязнасці тут.

Што: Лекцыя “Гарадская мабільнасць: больш чым перасоўванне ў прасторы.”

Дзе: г. Брэст, вул. Маякоўскага 46-1

Хто: Дзмітрый Бібікаў, урбаніст, адзін з заснавальнікаў Урбаністычнай платформы.

Калі: 8 лістапада ў 17:00.

Уваход вольны!