“Мова” – гэта новая беларуская настольная гульня ад аўтараў “Паўстанцаў”, якая можа стаць адной з самых запатрабаваных для беларуса.
Чаму?
Зараз шмат людзей прагнуць размаўляць на роднай мове, але ім бракуе часу, сіл, абставін, асяроддзя. Рашэнні гэтай праблемы вы знойдзеце у адной каробцы. Гульнёвы працэс будзе цікавы як для тых, хто стала карыстаецца беларускай мовай, так і для тых, хто толькі пачынае размаўляць па-беларуску. А 5 розных варыянтаў гульні – забяспечаць унікальнасць і разнастайнасць.
Настольная гульня “Мова” – гэта, перш за ўсё адукацыйна-забаўляльны праект, які мае на мэце развіццё беларускай мовы, пашырэнне яе ўжытку ў грамадстве і стварэнне перадумоваў для моўнай практыкі ў коле сваіх сяброў. Але адначасова гульня – гэта спаборніцтва за тытул лепшага мовазнаўцы, дзе для перамогі кожнаму трэба быць кемлівым, хуткім, уважлівым, сканцэнтраваным.
Гульня зойме у вас ад 15 хвілін да гадзіны, збярэ за сталом ад двух да васьмі чалавек – і ў выніку дапаможа падвысіць ваш слоўнікавы запас, якім вы з можаце карыстацца ў штодзённым жыцці.
Склад гульні: 50 картак “Тэма”, 34 карткі “Алфавіт”, 8 картак “Узровень ведаў”, карткі “так” і “не”, 36 жэтонаў “Ў”, правіла гульні.
Пачаць размаўляць па-беларуску зараз стане прасцей!
Гульня “Мова” – гэта сумесны праект аўтараў першай беларускай настольнай гульні “Паўстанцы” і курсаў “Мова Нанова”. Працу над праектам вядзе творчая кампанія “А4”.
Сачыць за пректам можна на старонцы гульні ў сацыяльных сетках
Прыкладны кошт гульні у крамах пасля рэалізацыі праекта: 150 000 – 170 000
Зрабі чарговы крок да Мовы!
Абяцанне.
Калі мы збяром у два разы болей грошаў, то выпусці адначасова дзве гульні. Той, хто ахвяруе больш 500 000 будзе мець права выбару колькасці экзэмпляраў. (не больш як 50 на 50). Гульня знаходзіцца у фінальнай стадыі падрыхтоўкі.
Гульня бонус: Дзіцячая настольная гульня “Гаспадар цмокаў”
Ужо ніхто не памятае, што першым чалавек прыручыў не сабаку, не ката, не каня – першым быў цмок! Ён дапамагаў чалавеку здабываць ежу і ахоўваў свайго гаспадара. А самым годным у той час лічыўся той, хто валодаў пяццю цмокамі. Каб іх прыручыць трэба быць хуткім, уважлівым і кемлівым.
Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…
