19 лютага АРР «Дзедзіч» працягвае праводзіць бясплатныя сустрэчы ў рамках праекта «Ёсць Размова». У гэтую пятніцу вы даведаецеся, як разумна можа працаваць гарадскі транспарт і як у яго «наладзе» могуць паўдзельнічаць жыхары горада.
Мабільнасць і транспарт вывучаюцца сёння цэлым шэрагам спецыялістаў: энергетыкамі, планіроўшчыкамі, сацыёлагамі. Кожная дысцыпліна робіць акцэнт на тым ці іншым аспекце работы транспарту – уплыў на навакольнае асяроддзе, кошт абслугоўвання, прыязнасць да карыстальнікаў. Пры гэтым у асобна ўзятым горадзе транспартныя рашэнні становяцца прадметам канфлікту, дзе сама пастаноўка пытання паказвае на няведанне жыхарамі і чыноўнікамі пра сувязь грамадскага і асабістага транспарту з экалагічнай сітуацыяй, гарадскім развіццём і сацыяльным укладам. У лекцыі будуць названы прычыны цікавасці тэмы перамяшчэння для шырокіх колаў гараджан, а таксама кірункі, па якіх варта назапашваць і папулярызаваць веды пра мабільнасць. Мы абмяркуем тыповыя прыклады неразумення паміж гарадскімі чыноўнікамі і мясцовымі жыхарамі, а таксама паспяховыя справы, дзе ўсе працавалі разам.
Што: Лекцыя «Навошта атрымліваць веды пра мабільнасць і транспарт гарадскім жыхарам, актывістам і чыноўнікам?»
Дзе: вул. Маякоўскага 46-1
Калі: 19 лютага (пятніца), 19:00
Хто: Андрэй Вазьянаў. Антраполаг, PhD студэнт Інстытута даследаванняў Усходняй і Паўднёва-усходняй Еўропы Універсітэта Рэгенсбург, Германія, аўтар даследавання пра грамадскі транспарт у Украіне і Румыніі.
Уваход вольны!
Даведка:
“Ёсць Размова” – праект агенцтва рэгіянальнага развіцця “Дзедзіч”, у межах якога берасцейцаў чакаюць сустрэчы з цікавымі людзьмі (эканамістамі, гісторыкамі, падарожнікамі, літаратарамі, музыкамі і інш.) і займальныя лекцыі. Гэтыя бясплатныя мерапрыемствы накіраваны на развіццё інтэлектуальных зносін у Брэсце, на фарміраванне ў публікі больш аб’ектыўных поглядаў на гісторыю, культуру, эканоміку Беларусі і палепшаныя ўмовы грамадзянскай актыўнасці.
Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…