Мы ёсць тое, што мы ямо. Так, вельмі знаёмы выраз, але не меней ёмкі. Наша ежа ўплывае на ўсё – наш настрой, знешні выгляд, здароўе. Можна гадзінамі знаходзіцца на трэніроўках у зале, але мець не зусім здаровы выгляд толькі з-за таго, што прадукты харчавання падабраныя не вельмі правільна. Ганна Пуціліна адчула гэта на сабе. І стала кансультантам па харчаванню. Яна вельмі хоча, каб больш людзей станавіліся здаравейшымі, таму правяла серыю лекцый пра харчаванне для дзяцей і маладых бацькоў. Водгук – самы станоўчы.
– Я ў тэме больш за пяць гадоў, – распавядае Ганна. – У мяне нарадзілася дзіця, і ўсё зламалася: пасыпаўся мой арганізм, я хварэла, хварэла дзіця. Гэта быў нейкі паток бясконцых візітаў да лекараў, пакуль я не вырашыла, што трэба нешта мяняць. І пачала з ежы.
Да вырашэння пытання Ганна падышла з навукай: запісалася на вялікі курс па нутрыцыялогіі, у першую чаргу атрыманыя веды прымянала на сябе і сваёй сям’і. І зразумела – гэта працуе! Адразу вырашыліся праблемы са здароўем, дзіцё перастала хадзіць па паліклініках. Паступова маладая маці пачала дапамагаць сябрам, а сёння акрамя асноўнай працы менеджарам, яна аформлена як самазанятая і аказвае кансультацыйныя паслугі па нутрыцыялогіі. За гэты час Ганна прайшла два вялікія курсы навучання, якія доўжыліся па годзе, і атрымала два дыпломы.
– У тэме харчавання існуе шмат вельмі розных падыходаў. Хтосьці прапаноўвае БАДы, іншыя складаюць меню. Я звычайна пачынаю работу з таго, што чалавек мае ў дадзены момант – прашу яго скласці дзённік харчавання, запоўніць анкету. Пасля гэтага ён здае некаторыя аналізы. Бывае, на гэтым этапе мы праводзім невялічкую карэкцыю, і да праграмы справа не даходзіць – кліент атрымоўвае тое, што яму трэба, ці праходзяць тыя праблемы, з якімі ён прыйшоў да мяне. Увогуле нутрыцыялогія – гэта не пра чароўную пілюлю, гэта пра змену лада жыцця.
Набраўшыся дастатковага вопыту, Ганна вырашыла несці веды ў масы. Так узнікла ідэя агульнаадукацыйнага праекта пра харчаванне. Ён праходзіў у выглядзе ўтульных сустрэч з усімі зацікаўленымі. Яго мэта – каб людзі задумаліся, што ў іх арганізме не так. Як пазбавіцца ад анеміі? Як з дапамогай харчавання змяніць свой стан? Як прафілактыраваць непрыемныя хваробы? У той жа час, падкрэслівае Ганна, яе мэтай было паказаць, што правільнае харчаванне – гэта не пра абмежаванне, а наадварот. Таму на кожную сустрэчу дзяўчына сама гатавала пачастункі – веганскі торт без глютэна, бялковыя цукеркі з нута.
Аб нутрыцыялогіі Ганна можа расказваць гадзінамі. Але ж, падкрэслівае, нутрыцыёлаг не доктар. Пры наяўнасці хранічных захворванняў у стадыі абвастрэння, лепш звяртацца не да спецыяліста па харчаванні, а ў лекарню.
– У кожнага свая зона адказнасці. Калі чалавек прыходіць да мяне з абвастрэннем гастрыту, я адпраўлю яго ў паліклініку. Калі востры стан пройдзе, тады калі ласка. Калі ў чалавека гіпатэрыёз – гэта да эндакрынолага, я магу аказваць толькі падтрымку ў саюзе з медыкам.
Увогуле ў Берасці ўжо з’яўляюцца лекары, якія супрацоўнічаюць з нутрыцыёлагамі. Такім чынам можна эфектыўней падправіць стан чалавека, каб ён радзей звяртаўся да лекараў і жыў поўным жыццём. Але і тут варта азначыць, што ў кожнага спецыяліста па харчаванні, як і ў лекара, свая спецыфіка работы. Ганна працуе з мамамі і дзецьмі. Проста гэта яе тэма і яна ведае, як дапамагчы жанчыне пасля родаў і заканчэння груднога кармлення. Ёсць выпадкі, калі прыходзіцца адмаўляць у кансультацыі. Напрыклад, Ганна Пуціліна не працуе з аўтаімунітэтам. Але з ахвотай падкажа калегу, які разбіраецца ў гэтым больш за яе.
Падпісвайцеся на старонку Ганны ў інстаграм.
Аляксей абраў для сябе вельмі незвычайныя інструменты і стыль спеваў. Ён лічыць, што важна прасоўваць…
Усё нестабільна, у жыцці стрэс Але сталасць тонка: У нас ёсць кава на вагу Ад…
Вулічныя музыкі – гэта сапраўдныя мастакі, якія робяць наша жыццё больш яркім і насычаным. Яны…
У гісторыі Берасця складзена неверагодная мазаіка культурнай спадчыны, у якой асаблівае месца займаюць сінагогі, якія…
Сёння мы вырашылі адправіцца ў кулінарнае падарожжа па сталовых горада, каб высветліць, якія з іх…
У непрыкметным куточку Берасця, на вуліцы Дзмітрыя Данскога, 11, паўстала ўнікальная гастранамічная ініцыятыва, якая ўжо…