Парафіяльнае свята ў берасцейскай грэка-каталіцкай парафіі святых братоў-апосталаў Пятра і Андрэя будзе адзначацца 28 лістапада, у суботу, з удзелам шматлікіх гасцей, прадстаўнікоў іншых канфесій.
У суботу, 28 лістапада, а 12-й гадзіне берасцейская грэка-каталіцкая парафія шчыра запрашае ўсіх на сваё парафіяльнае свята ў гонар апекуноў парафіі – родных братоў-апосталаў: св. Пятра, заступніка хрысціянскага Захаду, і св. Андрэя, заступніка хрысціянскага Ўсходу.
У гэты дзень адслужыць сваю прыміцыйную (першую) Боскую Літургію новы святар Беларускай Грэка-Каталіцкай Царквы ераманах Антон Нікалаеў, які паходзіць з берасцейскай парафіі.
На свята прыедуць таксама госці: грэка-каталіцкія манахі-рэдэмптарысты з Украіны, а таксама музычны гурт семінарыстаў Пінскай вышэйшай духоўнай семінарыі імя Т.Аквінскага “Подых Духа”. Пасля ўрачыстай Літургіі яны выступяць з канцэртам. Будзе таксама музычнае віншаванне нашых братоў і сяброў з іншых канфесіяў.
Ісус заклікае хрысціянаў, “каб усе былі адно”! Сваю хрысціянскую еднасць мы можам сведчыць, будучы разам у малітве і на агапе (сумесным братэрскім пачастунку хрысціянаў), якая стала традыцыяй у нашай парафіі.
28 лістапада будзе добрая нагода – БЫЦЬ РАЗАМ і МАЛІЦЦА РАЗАМ за еднасць хрысціянаў. Скарыстайма!
Парафія св. братоў-апосталаў Пятра і Андрэя ў Берасці знаходзіцца па адрасе: вул. Дворнікава, 63. Праезд аўтобусамі № 9, 9а, 20, 50, 52а, 57а.
Праект Pet-à-Porter ў Берасці – гэта інтэрнэт-пляцоўка, якая дапамагае сустрэць жывёлу і будучага гаспадара. Фатографы,…
Жывёлы, на наш погляд, не толькі сябры чалавека, але і істоты, якія значна паляпшаюць нашае…
Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…