Болей за сотню чалавек сабраліся суботнім вечарам ля менскага клубу «Рэактар» на флэшмоб, прысвечаны адмене канцэртаў гурта «Ляпіс Трубяцкой».
Як паведамляе generation.by студэнты праспявалі два дзесяткі песняў з апошніх альбомаў «Ляпісаў», выпусцілі ў паветра з дзесятак паветраных шарыкаў і пакрысе разышліся.
Прыхільнікі «Ляпіса» вырашылі сабрацца на флэшмоб ля «Рэактара» пасля паведамлення аб адмене двух канцэртаў гурта. Пра сваё жаданне далучыцца да акцыі ў Vkontakte заявілі каля паўтысячы чалавек.
У выніку да акцыі дабраліся болей за сотню маладых людзей, якія праcпявалі самыя галоўныя хіты «Ляпісаў»: ад кампазіцый з апошняга альбому «Весёлые картинки» «Грай» і «Я веру» да «Маніфэсту» і «Беларусь Freedom».У разы, дарэчы, болей, чым было запланавана.
Праз з’яўленне ананімнага спісу забароненых музыкаў і дзеячаў культуры ў Менску быў адменены дзесятак канцэртаў артыстаў, што трапілі ў гэты пералік. Аднак дагэтуль фанаты ў Менску не наважваліся публічна праявіць сваё стаўленне да падзей.
Міліцыя дэманстратыўна не паказвала сваю зацікаўленасьць акцыяй. Тым лепш.
Жывёлы, на наш погляд, не толькі сябры чалавека, але і істоты, якія значна паляпшаюць нашае…
Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…